О́tken aptanyń basynda Semeıde qala kúni, al senbi kúni jastar kúni ótkizildi. Erke Ertis ózeni jaǵasynda ótkizilgen bul merekede konserttik baǵdarlamamen birge, túrli vıktorına men qyzyqty konkýrstar molynan uıymdastyryldy. Mazmundy jastar keshine Semeıde oqyp jatqan sheteldik stýdentter de kóptep qatysty. Sonyń biri, osyndaǵy medısına ýnıversıtetin bitirip jatqan pákstandyq túlekpen tildeskenimizde ol óz otanyna ulylar elin, jalpy Qazaqstandy qımaı ketip bara jatqanyn málimdedi.
Jalpy, úsh kúnge sozylǵan jastar kúnin ótkizýge “Nur Otan” halyqtyq-demokratııalyq partııasynyń jergilikti bólimshesindegi jastar qanaty uıytqy boldy. Bul shara pedagogıka ınstıtýtynda, Shákárim atyndaǵy ýnıversıtette, Dostyq úıinde túrli taqyryppen ótken taqyryptyq sharalarmen bastaldy. Olarda maskúnemdikpen, nashaqorlyqpen kúres sharalary qýattalyp, salamatty ómir salty keńinen nasıhattaldy.
Sonymen birge, Semeı stýdentteri alıansynyń tóraǵasy Muhıt Súttibaevtyń bastamasymen “Aýylym – altyn besigim” aksııasyna qatysýǵa tilek bildirýshiler kóp boldy. Aksııaǵa qatysýshylar bıylǵy qystan zardap shekken aýyldarǵa baryp kómektespek. 15 stýdent alystaǵy Aqsýat, Kókjyra aýyldaryna attanyp ta ketti. Birneshe stýdent qalany kórkeıtip, kógaldandyrý jumystaryna atsalyspaq.
Solaısha elimiz boıynsha aldyńǵy sapta kele jatqan mundaǵy stýdentter alıansy tyń bastamalarymen kózge túsýde.
Dáýlet SEISENULY, SEMEI.