Týrızm salasyndaǵy yntymaqtastyqqa arnaldy

Jaqynda Armenııanyń týrıstik ortalyqtarynyń biri – Sahkadzor qalasynda Qazaqstannyń Armenııadaǵy elshiliginiń bastamasymen jáne «Eýropalyq ıntegrasııa» úkimettik emes uıymynyń (ÚEU) qoldaýymen «Qazaqstan men Armenııanyń týrıstik áleýeti: tájirıbe, keleshek, yntymaqtastyq» taqyrybynda konferensııa ótti. Is-sharaǵa jergilikti sarapshylyq toptardyń, qazaqstandyq jáne armıandyq týrıstik uıymdardyń jáne buqaralyq aqparat quraldarynyń ókilderi qatysty, dep habarlady SIM-niń baspasóz qyzmeti. Qazaqstan Respýblıkasynyń ýaqytsha senimdi ókili Qanat Hasenov konferensııany asha otyryp, Qazaqstandaǵy týrızmdi damytýdyń negizgi baǵyttaryna toqtalyp, Qazaqstandaǵy Qys­qy Ýnıversıada – 2017 jáne EKSPO-2017 halyqaralyq ma­man­dandyrylǵan kórmesi sııaqty elde ótetin halyqaralyq is-sharalardy atap ótti. Qazaq­standyq dıplomat, sondaı-aq, konferensııaǵa qatysýshylardy memlekettiń, ekonomıkanyń jáne qoǵamnyń satyly jańǵyrý baǵytynyń negizin qalaıtyn Prezıdent Nursultan Nazarbaev jarııalaǵan «100 naqty qadam» Ult josparynyń maqsattarymen jáne mindetterimen tanystyrdy. Konferensııada Armenııa Ekonomıka mınıstrliginiń ókili Mehak Apresıan sóz alyp, Qazaqstan tarapy usynǵan taqyryptyń mańyzdylyǵy men ózektiligin atap, Armenııanyń týrızmdi tamytý salasyndaǵy tájirıbesi týraly baıandady jáne eki el arasynda osy baǵytta yntymaqtastyqty nyǵaıtýdy usyndy. Qazaqstan ekotýrızm boıynsha aqparattyq resýrstyq ortalyǵynyń úılestirýshisi Aıgúl Isaǵulova jıynǵa qatysýshylardy Qazaqstannyń zor týrıstik múmkindikterimen, son­daı-aq, elimizdegi týrızmdi 2020 jylǵa deıin damytý baǵdar­la­masymen jan-jaqty tanystyrdy. Qazaqstandyq týrıstik assosıasııasy ishki jáne kelýshiler týrızminiń basshysy Raýshan Sartaeva armıandyq aýdıtorııa­ny elimizdiń týrızm ındýstrııa­sy­nyń qazirgi ahýaly, shetelde týrıstik ónimdi ilgeriletý jó­­nin­degi bir­lesken jobalardy qurý múmkindikterin aıtyp berdi. Al óz kezeginde Armenııanyń ekonomıkalyq ıntegrasııa boıynsha sarapshysy Lýsıne Týmıan Armenııanyń EKSPO-2017 ma­­man­dandyrylǵan kórmesine qatysý máselesine baılanys­ty eki el arasynda atqarylyp jatqan is-sharalarǵa toqtalyp, Qazaq­stan ta­rapynyń uıym­das­tyrý ju­mystaryn joǵary baǵalady. Jıyn sońynda Elbasy Nur­sultan Nazarbaevtyń armıan tilinde basyp shyǵarylǵan «Nur­ly jol – bolashaqqa bas­tar jol» Joldaýy jáne Qazaq­stannyń áleýmettik-ekono­mı­kalyq jáne qoǵamdyq-saıası damýy týraly materıaldar taratyldy. «Egemen-aqparat».