Atyraý qalasyna qarasty Erkinqala aýyly mańyndaǵy musylman zıratynda 2 jeltoqsan kúni birneshe beıittiń búlingeni anyqtaldy, dep jazady Egemen.kz.
Oqıǵa ornyna kelgen turǵyn qulpytastar men qorshaýlardyń synǵanyn kórip, polısııaǵa habar bergen.
Belgisiz bireýler qulpytastardy qıratyp, metall aıshyqtardy julyp alyp ketken.
Atyraý oblystyq Polısııa departamenti atalǵan derek boıynsha sotqa deıingi tergeý bastaǵanyn habarlady.
Jedel izdestirý sharalarynyń nátıjesinde vandalızmge qatysy bar degen kúdikpen 3 jasóspirim ustaldy.
Olar polısııa bólimine jetkizildi, tergeý olardyń zańdy ókilderiniń qatysýymen júrgizilip jatyr.
– Qazir zańda kózdelgen barlyq tergeý amaldary júrgizilýde. Kámeletke tolmaǵandar ishki ister organdarynyń esebine qoıylady. Is materıaldary kámeletke tolmaǵandar isi jónindegi komıssııaǵa joldanady. Tergeý barysynda olardyń ata-analaryn jaýapkershilikke tartý máselesi de qaralady, – delingen habarlamada.