Almaty qalasynyń Mádenıet basqarmasyna qarasty Qazaq memlekettik sırkiniń daryndy jas ónerpazy, sırk áýletiniń jalǵastyrýshysy, J.Elebekov atyndaǵy RESK stýdenti, 16 jastaǵy Álı Salavatov Reseıdiń Týla qalasynda «Na ıazyke mıra» V Halyqaralyq balalar men jastar sırk óneri festıvalinde qola júldeger atandy, dep habarlaıdy Egemen.kz.
Festıvalge jonglerler, akrobattar, saıqymazaqtar, ekvılıbrıster jáne sırk óneriniń basqa da baǵyttary boıynsha kóptegen elden 200-den astam daryndy qatysýshylar jınaldy.
Almaty qalasy ákimdiginiń málimetinshe, Álı Salavatovtyń «Edenge soqpaly doptarmen jonglıorlik óner» atty kórkem nómiri qazylar alqasy men kórermenderdi erekshe sheberligimen, oryndaý dáldigimen jáne jarqyn energııasymen baýrap aldy.
«Men úshin bul jeńis – jańa múmkindikterge jol ashqan erekshe sát. Qoldaǵan ustazdaryma, uıymdastyrýshylarǵa jáne jankúıerlerge shyn júrekten alǵys aıtamyn. Aldaǵy ýaqytta budan da bıik asýlardy baǵyndyrýǵa umtylamyn», deıdi jas ártis.