Aýyr salmaq dárejesiniń dańqty ókili Maık Taıson uzaq ýaqyt boıy talqylanǵan Floıd Meıvezermen jek-jekti kelesi jyldyń naýryz aıynda Afrıkada ótetinin málimdedi, dep habarlaıdy Egemen.kz.
Osyǵan deıin jekpe-jektiń bolashaǵyna qatysty túrli boljamdar aıtylǵan. Ásirese Meıvezerdiń mansabyndaǵy basqa jobalardy qarastyrýy kezdesýdiń taǵdyryn bulyńǵyr etken edi. Soǵan qaramastan, Taıson daıyndyq toqtamaǵanyn, tek uıymdastyrýshylar naqty oryn men kúndi bekitip jatqanyn habarlady.
Eki boksshynyń fızıkalyq aıyrmashylyǵy aıtarlyqtaı bolǵandyqtan, jekpe-jek resmı mártebege ıe bolmaıdy. Taıson sońǵy kezdesýinde 100 keliden asqan salmaqpen shyqqan, al Meıvezerdiń kásibı rıngtegi sońǵy salmaǵy 70 kelige jýyq bolǵan.
Sport sarapshylarynyń pikirinshe, bul kezdesýdi uıymdastyrýǵa qarjylyq usynystardyń áseri aıryqsha bolǵan. BAQ-ta Meıvezer kelisimge qol qoıǵannan keıin alǵashqy syıaqysyn alyp úlgergeni týraly aqparat ta taraǵan.