Búgin Almaty qalalyq máslıhatynyń HHHIH sessııasynda depýtattar jergilikti bıýdjet esebinen qarjylandyrylatyn aýrýlar men dárilik preparattar tizimin keńeıtýde bir mámilege keldi, dep jazady Egemen.kz.
Biraýyzdy sheshim úsh túrli nozologııadaǵy pasıentterge qatysty qabyldandy. Orfandyq keselge dýshar bolǵandardy qarjylandyrýǵa jalpy somasy 128 mln teńge qajet. Qoǵamdyq densaýlyq saqtaý basqarmasy usynǵan nozologııalar áleýmettik mańyzy joǵary, keı jaǵdaılarda sırek ári aýyr dertterdiń sanatyna jatady.
Jergilikti bıýdjet esebinen ambýlatorııalyq deńgeıde dárilik preparattar júıeli qyzyl jegi, qysqa ishek sındromy men optıkomıelonevrıt (Devık aýrýy) dıagnozy bar pasıentterge jetkiziledi.
«Mundaı keselge dýshar bolǵan naýqastar úshin zamanaýı preparattardy qoldaný – jaı ǵana medısınalyq qajettilik emes, aýrýdy turaqtandyrýdyń, eńbekke qabilettilikti saqtaýdyń jáne múgedektikke jol bermeýdiń jalǵyz joly.
Usynylǵan árbir másele – óńir turǵyndarynyń naqty qajettiligine negizdelgen. Ár sannyń artynda aýyr jaǵdaıǵa tap bolyp otyrǵan adamdar men olardyń otbasylary tur», dedi Almaty qalasy Qoǵamdyq densaýlyq saqtaý basqarmasy basshysynyń orynbasary Láıla Imanǵalıeva.
Oraıy kelip turǵanda, «Halyq densaýlyǵy jáne densaýlyq saqtaý júıesi týraly» Kodeksine sáıkes, 2017 jyldan beri orfandyq aýrýlarymen aýyratyn pasıentter qymbat dárilik preparattarmen negizinen máslıhattardyń sheshimi boıynsha jergilikti bıýdjet esebinen qamtamasyz etiletinin aıta ketý kerek.