Jyl basynan beri Qyzylorda oblysy aýmaǵynda alkogoldik masań kúıde kólik quralyn basqarý deregi boıynsha 763 quqyq buzýshylyq anyqtalǵan. Shara qatańdatylsa da, zań buzýshylyqtyń osy túri áli de tolastamaı otyr, dep habarlaıdy Egemen.kz.
Jaqynda bir kúnniń ishinde 3 júrgizýshi mas kúıde kólik júrgizgeni úshin ustalǵan. Olarǵa qatysty ÁQBtK-niń 608-baby 1-bóligi boıynsha ákimshilik is-qujattar jınaqtalyp, sot sheshimimen 7 jylǵa kólik basqarý quqyǵynan aıyrylyp, 15 táýlikke ákimshilik qamaqqa alyndy.
Polıseıler mas kúıde kólik quralyn basqarý jol qozǵalysy qaýipsizdigine tikeleı qaýip tóndiretin óreskel quqyq buzýshylyq ekenin aıtady. Reıdtik sharalar barysynda anyqtalyp jatqan mundaılarǵa jaza qatań. О́ıtkeni ereje bárine ortaq.