Bıylǵy jyldyń úshinshi toqsanynda azamattardyń ortasha shyǵyny jan basyna shaqqanda 324,5 myń teńgeni (aıyna 108,2 myń teńge) qurady. Ulttyq statıstıka bıýrosynyń málimetinshe, el turǵyndary tabysynyń basym bóligin, ıaǵnı 52,3%-yn azyq-túlik satyp alýǵa jumsaıdy. Keıbir óńirlerde bul kórsetkish 60%-dan asady, dep habarlaıdy Egemen.kz.
Statıstıkalyq derekterge súıensek, úshinshi toqsanda bir adamnyń ortasha tabysy 364,6 myń teńgege jetken. Alaıda, osy qarajattyń edáýir bóligi kúndelikti qajettilikterge jumsalady. Atap aıtqanda:
Azyq-túlikke: 169 myń teńge (shyǵynnyń 52,3%-y); Azyq-túlik emes taýarlarǵa: 69 myń teńge (21,3%); Aqyly qyzmetterge: 58 myń teńge (17,9%). Onyń ishinde kommýnaldyq tólemder aıyna shamamen 4,9 myń teńgeni quraıdy.Keıbir aımaqtarda turǵyndardyń azyq-túlikke jumsaıtyn qarajaty jalpy shyǵyndarynyń 60%-nan asyp ketken. Kósh basynda Túrkistan oblysy tur: munda bıýdjettiń 61,1%-y (aıyna 42,9 myń teńge) tamaqqa jumsalady. Ekinshi orynda Jetisý oblysy – 60,1% (aıyna 63 myń teńge). Al Jambyl oblysynda bul kórsetkish 59,7%-dy qurasa, Shymkent qalasynda turǵyndar shyǵynynyń 57,9%-y as-aýqatqa ketedi.
Azyq-túlik sebetindegi shyǵyndardyń kóshbasshysy – et ónimderi. Ortasha eseppen el turǵyndary aıyna etke 18 myń teńge jumsaıdy (bul tamaqqa ketetin barlyq shyǵynnyń 35%-y). Odan keıingi oryndarda nan men jarma ónimderi (7,5 myń teńge) jáne sút ónimderi (5,5 myń teńge) tur.