Oqý-aǵartý mınıstri Juldyz Súleımenova «Qazaqstan» ulttyq telearnasynyń «Bas taqyryp» baǵdarlamasyna suhbat berdi. Mınıstr suhbat barysynda synyp ishine baqylaý kameralaryn ornatý máselesine qatysty pikir bildirdi, dep jazady Egemen.kz.
Juldyz Súleımenova keler jyldan bastap muǵalimderdiń quqyn qorǵaý men qaýipsizidigin kúsheıtý baǵytyndaǵy jumystar jandana túsetinin aıtty.
Sondaı-aq ol synyp ishinde kamera bolmaýy tıis ekenin aıtty.
«Synyptarǵa kamera ornatý máselesine kelsek, bilim berý ortasy bilim men tárbıeniń, senim men ashyq pikir almasýdyń keńistigi bolýǵa tıis. Sapaly bilim jáne tárbıe senimdilik atmosferasynda ǵana múmkin. Mektepte muǵalim de, oqýshy da ózderin qaýipsiz jáne erkin sezinýi ózekti. Qaýipsizdik úshin kameralar mekteptiń kireberisinde, dálizderde, ortaq aýmaqtarda bolýy qajet. Oqý synyptarynyń ishinde baqylaý kameralary bolmaýǵa tıis dep sanaımyn», dedi mınıstr.