IIM júrgizýshi kýáligin merziminen buryn aýystyrý týraly aqparatty joqqa shyǵardy

Vedomstvonyń habarlaýynsha, júrgizýshi kýálikterin berý jáne aýystyrý tártibi ózgergen joq. Áleýmettik jelilerde qoldanylý merzimi aldaǵy tórt jylda aıaqtalatyn qujattardy aldyn ala jańartý kerek degen qaýeset taraǵan bolatyn. Alaıda polısııa bul málimetti resmı túrde teriske shyǵardy. «Atalǵan kýálik tek olardyń jaramdylyq merzimi aıaqtalǵan jaǵdaıda jáne qoldanystaǵy belgilengen tártipke sáıkes aýystyrylady. Qosymsha talaptar, sonyń ishinde qaıta emtıhan tapsyrý nemese qandaı da bir shekteýler qarastyrylmaǵan», delingen habarlamada. IIM azamattardan aqparatty tek resmı derekkózderden tekserýdi jáne quzyrly organ kórineý jalǵan aqparat taratqany úshin qylmystyq jaýapkershilik qarastyrylǵanyn eskertti.