ASTANA. 23 naýryz. Ústimizdegi jylǵy qańtar aıynyń sońynan beri kópshilikke kórinbeı ketken О́zbekstan prezıdenti Islam Karımov taıaý kúnderden beri qaıtadan halyq aldyna shyǵa bastady. Bul týraly ÝzA habarlady.
Agenttiktiń habarlaýynsha, ózbek eliniń basshysy 21 naýryz kúni Tashkenttegi Alısher Navoı atyndaǵy ulttyq saıabaqta Naýryz meıramyna arnalyp ótkizilgen saltanatqa qatysyp, jamaǵatynyń aldynda jarqyldap sóz sóılegen.
«Tabıǵat túgel uıqydan oıanatyn osynaý kúnderde kóktemmen birge bizdiń ǵajaıyp ólkemiz - týǵan О́zbekstanymyzǵa kópten kópten kútken, bárimiz úshin súıikti Naýryz jetedi, - dedi Islam Karımov. – Meniń qymbattylarym, sizderdi - meniń halqymdy kóktemniń, jańarý men qýanyshtyń nyshany bolyp tabylatyn osynaý kóne zamandardan kele jatqan tamasha merekemen quttyqtaý júregimdi erekshe shattyqqa keneltedi».
Budan keıin О́zbekstan prezıdenti ejelgi dáýirlerdegi tarıhyna toqtalyp, onyń búgingi kúnde halyq úshin beretin izgilikterin sóz etti.
Al sóziniń sońyn Islam Karımov: «Qymbatty otandastar! Sizderdiń barshańyzdy oısha qusha otyryp, búgingi eshbir qaıtalanbas ǵalamat merekemen shyn júrekten quttyqtaımyn, ózderińizge ózimniń eń izgi tilekterimdi bildiremin. Naýryz bizdiń elimizdiń árbir otbasyna beıbitshilik, baqyt jáne molshylyq ákelsin», - degen júrekjardy tilegimen aıaqtady.
Bir aıta ketetin jaıt, bul О́zbekstan prezıdentiniń biraz ýaqytqa sozylǵan únsizdikten keıin jurt aldyna alǵash ret shyǵýy emes. Ol 16 naýryz kúni Tashkentte óz saılaýshylarymen birinshi kezdesýin ótkizip, aldaǵy maqsattary týraly aıtyp bergen edi.
О́zbekstanda prezıdent saılaýy 29 naýryz kúni ótedi. Oǵan 4 úmitkerdiń qatysqaly turǵany da belgili. Kandıdattar arasynda is basyndaǵy prezıdentten basqa, Hatomjan Ketmonov, Narımon Ýmarov jáne Akmal Saıdov bar. Olardyń barlyǵy da saılaýǵa bir-bir partııanyń tańdaýlysy retinde túsip jatyr. Alaıda, bul partııalardyń qalaı atalatynyn bilýden qazaq oqyrmandaryna kelip-keter eshteńe joq.
Murat Aıtqoja.
Mánbe, sýret: ÝzA.