ALYP KEMENIŃ DURYS BAǴYTY

Tarıh tolqynynda ár halyqtyń alatyn orny onyń mańdaıyna bitetin birtýma tulǵasy – kóshbas­shysymen tyǵyz baılanysty ekeni málim. Bolmysynan órlik pen bostandyqty tý etken kóshpe­li­lerdiń rýhynan bastaý alǵan, ulan-ǵaıyr mekenin urpaǵyna mura etý jolynda janqııar­lyq erlik kórset­ken ata-ba­ba­larymyz el tizginin nyq ustap, qazaq ultynyń atyn asqaqta­typ, ǵasyrdan-ǵasyrǵa ura­nyn asyra alyp keldi.Zamana tiz­beginiń alýan almasqan sátte­rin basynan ótkizip, taýqymeti zor ǵumyr keshken halqymyz­dyń tarıh qoınaýyna ótken sara jolyna úńilsek, jaýger­shilikke qarsy turǵan baıyrǵy zamanda aty ańyzǵa aınalǵan batyr-larymyz jeńis týyn jelbiret­se, olardyń jeńisin Elbasymyz búginde beıbit kúnniń maı­danynda jalǵas­tyrýda. Ata-babalarymyz arman­daǵan el egemendigine qol jetkizip, derbes memleket qurý jolyndaǵy Elbasy­nyń eren eńbegi aqtalyp, elimiz jańa dáýirdegi órkenıetti elder qa­tarynan laıyqty oryn alýda. Keshegi odaqtyq respýblı­kalar ara­synda búginde Qazaq­stannyń eko­nomıkalyq-saıası dárejesi jónin­de shoqtyǵy bıik turyp, halyqara­lyq sah­nada zor bedel-ge ıe bo­lýynyń syry – el basyna tóngen túr­li aýyrtpa­lyq shaqtarda Elba­synyń qaısar saıasat­kerlik tanytyp, Qazaqstan atty alyp kemeniń baǵytyn durys tańdaı bilýinde. Táýelsizdikke qol jetkiz­gen qysqa merzim ishindegi El­basynyń bastaýymen elimizdiń ótken jolda­ry men jetistik­teri tarıh betteri­niń altyn paraqtary bolyp qal­maq. Alǵashqy Konstıtýsııa­myz­dan-aq dúnıe júzine demo­kratııa jolyn tańdaıtyny­myzdy jarııa ettik. Elimiz ótpeli dáýir ekono­mıkasynyń shyrǵalań soqpaqtaryn ıgerip, naryq zamanynyń qatal shart­taryna saı turatyn dárejege jetti. Elbasynyń yntasymen osy qıyn-qystaý jyldar qoı­naýynda Astana atty kórikti shaharymyz dúnıege keldi. Qazir álemde Astana aty beı­bitshilik pen birliktiń jarshy­sy retinde tanymal. Dúnıe júzinde ultaralyq qaıshylyq­tar shıelenisip, konfessııalar qaqty­ǵysy oryn alyp jatqan kezeńde Qazaqstan ózin birlik pen tatýlyq­tyń úlgisi retinde tanytyp, álem qaýipsizdigi men jalpy adamzattyq yntymaq úshin zor úlesin qosýda. Búgingi tańda Qazaqstan­nyń ındýstrııalyq-ınnova­sııa­lyq damýǵa betburys jasap, bilim-ǵylym-aqparat jolyn tańdaýy – óskeleń urpaq úshin senimdi bola­shaq týdyrary anyq. Qazaqstannyń qaı ólkesin alsaq ta ekonomıka­lyq-áleýmettik jandaný ústinde, respýblıka­nyń túkpir-túkpirinen estilgen óndiristiń órkendeýindegi jetistikter – Elbasy saıasatynyń álemdik daǵdarys atty kezekti zaýalǵa qatqan laıyqty jaýap-jobasynyń oryndalý kórinisteri. Jańa dáýirde ultymyzdyń rýhy, zerdesi men mádenıeti asqaq turyp, el ekonomıkasy­nyń dúnıe júzi elderi ara­syndaǵy básekeles­tik báıge­sin­de aldyńǵy oryndardan ta­bylýy jolyndaǵy ıgi jospar­lardy júzege asyrýda halqy­myzǵa beıbit ómir, salamatty densaýlyq, tabıǵat pen qorshaǵan ortasynyń qaýip­sizdigin qamtamasyz etýde Elbasynyń eńbegi orasan. “Adamnyń densaýlyǵy – ekonomıkanyń qozǵaýshy kúshi” –degen adamzattyq progrestik damý qaǵıdasyn negizge ala otyryp, Elbasy­nyń yntasymen ulttyq medı­sınamyzdy álemdik deńgeıge kóterý maqsatymen elimizde teńdessiz sharalar jasalýda. Astanamyzdyń sol jaǵa­laýynda Ulttyq medısına hol­dınginiń negizinde medı­sınalyq klaster júıesi boı kóterip, bilim men ǵylym iz­deýshilerge Nazarbaev ýnıversıteti esigin aıqara ashty. Bul jetistikter halqymyzdyń el sheńberinde emdelip, densaý­lyǵyn ny­ǵaıtýyna zor múmkindik syılap, jas urpaqqa shetelmen básekege saı bilim kózinen nár aldyrmaq. Saý jáne bilimdi urpaq – ónip shyǵa­tyn altyn dán, elimizdiń erteńi. Elimizdiń densaýlyq saqtaý salasyn ómiriniń mánine aı-naldyr­ǵan halyq densaýlyǵy saqshyla­rynyń atynan “Ult baılyǵy – densaýlyq” sala-syn kórkeıtýde Elbasynyń kórsetken qoldaýy men qam-qorlyǵy úshin yqylasymdy bildiremin. Elimizdiń órke­nıetti órleý jolyndaǵy asqan asýlary men baǵyndyrǵan be-lesteriniń, aýqymdy jetistik­teriniń bolashaq­taǵy qary­myna senimim mol. Nursultan Ábishulyn 70 jastyń kemeline kelýimen qut-tyqtaı oty­ryp, “El taǵdyry – er taǵdyry” uranymen el­diń beıbit, berekeli, shadyman ǵumyry jolynda halyqpen bite qaınasqan eńbegi men úlgi-ónegeli ómiriniń shapaǵaty jas urpaqtan sabaqtastyq taýyp, jarqyn bolashaqta elimizdiń eńsesi bıikteı túsip, jasampazdyǵy arta bersin degen shynaıy tilegimdi joldaımyn. Tóregeldi ShARMANOV,  akademık.