Premer-mınıstr Oljas Bektenovtiń tóraǵalyǵymen Úkimet otyrysy ótti. Onda «Isker aımaq» baǵdarlamasy qaraldy. Joba shaǵyn bıznesti damytýdy kózdeıdi, dep jazady Egemen.kz.
«Isker aımaq» jobasy – óńirlerde, ásirese mono jáne shaǵyn qalalarda, sondaı-aq aýyldyq jerlerde shaǵyn jáne mıkrobıznesti damytýǵa baǵyttalǵan.
Premer-mınıstrdiń aıtýynsha, qýatty ári básekege qabiletti kásipkerliktiń damýy – ornyqty ekonomıkalyq ósýdiń negizgi faktory.
«О́zderińizge málim, jýyrda Memleket basshysy iskerlik belsendilikti yntalandyrý úshin jedel túrde shaǵyn bıznesti qoldaýdyń biryńǵaı baǵdarlamasyn qabyldaýdy tapsyrdy.
Úkimet shaǵyn jáne mıkrobıznesti naqty qoldaýǵa, óńirlerdiń ereksheligin eskere otyryp, óndiristi damytýǵa baǵyttalǵan keshendi qujatty ázirledi», dedi Oljas Bektenov.