Prezıdent Ákimshiligi basshysynyń orynbasary Dosaev Erbolat Asqaruly «Samuryq-Qazyna» AQ dırektorlar keńesiniń múshesi bolyp saılandy. Bul týraly qordyń baspasóz qyzmeti habarlady, dep jazady Egemen.kz.
Ol bul laýazymǵa 20 jeltoqsan kúni taǵaıyndalǵan.
Qazir «Samuryq-Qazyna» dırektorlar keńesine premer-mınıstr Oljas Bektenov, Bolat Jámishev, Lýka Sýtera, Vong Hen Faın, Nurlan Jaqypov, Mohammed Djamıl Al Ramahı jáne Erbolat Dosaev kiredi. Keńeste sondaı‑aq SKAI (Samruk-Kazyna Artificial Intelligence) jasandy ıntellekt beınesindegi vırtýaldy dırektor bar.
Erbolat Asqarbekuly Dosaev 1970 jyly 21 mamyrda Almaty qalasynda dúnıege kelgen. 1987 jyly Almaty qalasynyń O. Jáýtikov atyndaǵy respýblıkalyq fızıka-matematıkalyq mektep-ınternatyn bitirgen.
Ár jyldary Almaty energetıkalyq ınstıtýtyn, Baýman atyndaǵy Máskeý memlekettik tehnıkalyq ýnıversıtetin támamdaǵan.
Erbolat Dosaev qyrkúıek aıynda Prezıdent Ákimshiligi Basshysynyń orynbasary bolyp taǵaıyndalǵan edi.