Atyraý erli-zaıyptylar alkogoldik ishimdikti ishken. Keıin kúıeýi áıelin uryp óltirigen, dep jazady Egemen.kz.
Bul qylmystyq is Atyraý oblysynyń qylmystyq ister jónindegi mamandandyrylǵan aýdanaralyq sotynda qaraldy. Kúdiktige Qylmystyq kodekstiń 99-babynyń 1-bóligimen aıyp taǵylǵan.
Sottyń materıalyna qaraǵanda, kúdikti K. Atyraý qalasyndaǵy turǵylyqty meken jaıynda áıeli T.-men birge spırttik ishimdik ishkeni anyqtalǵan. Keıin qyzǵanyshtyń saldarynan aıyptalýshy jábirlenýshiniń denesine soqqy jasaǵan. Jábirlenýshi alǵan jaraqatynan qaıtys bolǵan.
Prokýror aıyptalýshyǵa 10 jyl merzimge bas bostandyǵynan aıyrý jazasyn taǵaıyndaýdy surady. Alaıda, qorǵaýshy tarap aıyptalýshynyń jubaıyn óltirýge nıeti bolmaǵanyn alǵa tartqan. Osylaısha, aıyptalýshynyń is-áreketin jábirlenýshiniń ólimine ákep soqqan densaýlyqqa qasaqana aýyr zııan keltirý retinde saralaýdy surady. Aıyptalýshy K.-nyń kinási sot otyrysynda zerttelgen dáleldemelerdiń jıyntyǵymen, atap aıtqanda, kýálardyń aıǵaqtarymen, tergeý áreketteriniń hattamalarymen, sot saraptamalarynyń qorytyndylarymen tolyq dáleldendi.
«Sot jaza taǵaıyndaý barysynda qylmystyq jaýaptylyq pen jazanyjeńildetetin mán-jaǵdaılardy eskerdi. Bul – jasaǵan áreketine shyn júrekten ókinýi, kinásin moıyndaýy, buryn sottalmaǵany. Qylmystyq quqyq buzýshylyqty alkogoldik masań kúıde jasaýy aýyrlatatyn mán-jaı retinde tanyldy. Sot úkimimen K. aıyp taǵylǵan bappen kináli dep tanyldy. Oǵan 10 jyl merzimge bas bostandyǵynan aıyrý jazasy taǵaıyndaldy», dep habarlady atalǵan sottan.
Sot úkimi zańdy kúshine engen joq.