Aqtaýda Kaspıı teńizinde teńiz albyrtyn ósirýge baǵyttalǵan aýqymdy joba júzege asyp jatyr, dep jazady Egemen.kz.
«Organic Fish» kompanııasynyń 11,9 mlrd teńgelik bastamasy óńirdiń balyq sharýashylyǵy salasyndaǵy jańa serpin bolmaq. Joba tolyq qýatyna shyqqan kezde jylyna 5 myń tonnaǵa deıin balyq óndirý josparlanyp otyr. Bul týraly oblys ákimi Nurdáýlet Qılybaı OKQ-da ótken brıfıngte málimdedi.
Balyq sharýashylyǵy óńirdiń mańyzdy damý baǵyttarynyń birine aınalyp keledi. Sońǵy jyldary Kaspııdegi balyq qorynyń azaıýy men ınfraqurylymnyń tozýy akvasharýashylyqtyń damýyn tejegen edi. Bul jaǵdaıdy ózgertý úshin óńirde balyq sharýashylyǵyn jańǵyrtýǵa baǵyttalǵan keshendi sharalar qolǵa alynǵan.
Mamandardyń aıtýynsha, Kaspııdiń tabıǵı jaǵdaıy akvasharýashylyqty qarqyndy damytýǵa óte qolaıly. Atalǵan salada 2025-2027 jyldary óńirde tórt iri joba iske asyrylmaq.
Mańǵystaý oblysy