Astanada QazTAG aqparattyq agenttiginiń bas redaktory Ámir Qasenov ustaldy. Bul málimetti Almaty qalalyq polısııa departamenti rastady, dep jazady Egemen.kz,
Quqyq qorǵaý organdarynyń habarlaýynsha, qylmystyq is jeke kompanııa ókiliniń jazbasha aryzy boıynsha tirkelgen. Aryzda birneshe márte kórineý jalǵan aqparat taratylyp, sonyń saldarynan kompanııanyń iskerlik múddesi men bedeline eleýli zııan kelgeni aıtylǵan.
Qazirgi tańda is boıynsha ózge derekter jarııalanǵan joq. Tergeý amaldary zań talaptaryna sáıkes júrgizilip jatqanyn polısııa ókilderi málimdedi.
Bunyń aldynda Qasenovtiń áriptesi Orda.kz saıtynyń bas redaktory Gúlnar Bajkenovany úı qamaqqa japqany týraly jazǵan edik.