Astanany damytý jaıly keńeste Prezıdent Qasym-Jomart Toqaev qalanyń kólik-tranzıt áleýetin arttyrý úshin jańa áýejaı salý múmkindigin qarastyrý qajet ekenin aıtty, dep habarlaıdy Egemen.kz.
«Úkimetke ákimdikpen birge osy máseleni muqııat pysyqtap, naqty usynys engizýdi tapsyramyn. Jýyrda biz elimizde tolyqqandy avıahabtar qalyptastyrý máselesin qarastyrdyq. Sonyń ishinde elorda áýejaıyna qatysty jumys ta bar. Biraq Qazaqstanda óndiriletin avıa janarmaı kólemi jetkiliksiz. Osy jaǵdaı avıahabtardy damytýǵa kedergi bolýy múmkin. Sondyqtan Úkimet avıa janarmaı óndirisin arttyrý úshin naqty sharalar qabyldaýǵa tıis. Bálkim, jańa munaı óńdeý zaýytyn salý kerek shyǵar. Onyń artyqshylyǵy da, kemshin tustary da bar», dedi Toqaev.
Prezıdenttiń aıtýynsha, úkimet osyǵan qatysty óz ustanymyn aıqyndap, naqty sheshim qabyldaýy qajet. Sondaı-aq Memleket basshysy kommýnaldyq ınfraqurylymdy jedel jańǵyrtýdyń mańyzy zor deıdi.