Derekterdi tekserý nátıjesinde kezekte turǵandardyń bir bóligine baspana berilmegen. Sebebi adamnyń nemese otbasy músheleriniń jyljymaıtyn múlikte úlesi bolǵan, dep habarlaıdy Egemen.kz.
«Otbasy bank» 24 mamyrdan bastap kezekte turǵandardy esepke alyp, turǵyn úıge muqtaj azamattarǵa baspana bólýmen aınalysyp keledi.
Bank uzaq jyldan beri kezekte turǵan jáne memlekettik qoldaýdy kútip júrgen adamdardyń narazylyǵyn túsinetinin aıtty.
«Turǵyn úıdi bólý kezinde «Otbasy bank» zańnama talaptaryn qatań saqtaıdy. «Turǵyn úı qatynastary týraly» zańǵa sáıkes, sońǵy bes jyl ishinde Qazaqstan aýmaǵynda menshiginde turǵyn úıi bolmaǵan azamattarǵa ǵana jaldamaly jáne nesıeli turǵyn úı beriledi. Tekserý barysynda kezekte turǵan adamnyń nemese onyń otbasy músheleriniń páterde ne úıde úlesi bar ekeni jıi anyqtalady. Aıta ketý kerek, «Otbasy bank» azamatty kezekten shyǵarmaıdy. Ol tek turǵyn úıdi bólýge qatysýyn ýaqytsha toqtatady. Bul – ýaqytsha shara», dep túsindirdi bank.
Úleske qatysty máseleni sheshý úshin «Otbasy bank» О́nerkásip jáne qurylys mınıstrligine júgindi. Qazirgi tańda memlekettik organdarmen birlesip sheshim izdestirilip jatyr.
Bankte shyn máninde turǵyn úıge muqtaj azamattar úshin ádil sheshim tabýdy kózdep otyrǵandaryn atap ótti.
Eske salaıyq, buǵan deıin elimizde turǵyn úı kezegin jedeldetý maqsatynda jańa ereje engizilgenin jazǵan edik.