Jeltoqsan aıynda BMW óz avtomobılderiniń korpýsynda jáne ishki qurylysynda qoldanylýy múmkin arnaıy burandalarǵa patent aldy. Iаǵnı, kompanııa óz kólikterin avtorlanbaǵan servıstik ortalyqta jóndeýdi qıyndatatyn jabdyq oılap tapty, dep jazady Egemen.kz.
BMW emblemasy pishininde jasalǵan
Patentten buranda basynyń birneshe nusqasy bar ekeni baıqalady, mysaly, uıashyqty, jalpaq jáne dóńgelek túri bar. Onyń bári BMW emblemasy pishininde jasalǵan, dóńgelektiń tórt seksııasynyń ekeýi oıyńqy, ekeýi ne tegis, ne dóńes bolady. Mundaı tamasha sheshim buryn nege eshkimniń oıyna kelmegeni belgisiz.
Eshbir buraýysh buraı almaıdy
Qazir qolda bar buraýyshtardyń eshbiri mundaı burandany buraýǵa jaramaıdy. Sondyqtan BMW ıesine kóligin jóndetý úshin kompanııa aldyn ala tıisti qural-jabdyqpen qamtamasyz etken dılerlik ortalyqqa barýǵa týra keledi.
Bul qosalqy bólshek satýshylarǵa qosymsha tabys kózi bolary anyq. Jańa buranda óz betinshe eńbek etetin sheberler úshin sheshilmes túıinge aınala ma?