Jańa erejelerge sáıkes, konkýrs endi qatań irikteý tetigimen ótedi. Ekinshi týrǵa tek birinshi kezeńde qajetti ótý balyn jınaǵan úmitkerler ǵana jiberiledi. Málimetterge súıensek, 2025 jyly ótinim bergenderdiń 5%-y (131 adam) alǵashqy kezeńnen óte almaǵan.
2026 jyldan bastap kúshine enetin basty ózgerister:
Joǵary oqý oryndaryna jańa talap: Endi shákirtaqy alatyn stýdentter tek QS University Rankings halyqaralyq reıtınginde óz baǵyty boıynsha (by subject) úzdik 100-dikke kiretin sheteldik JOO-larda bilim ala alady.
Tehnıkalyq mamandyqtarǵa basymdyq: Baǵdarlamanyń keminde 60%-y jaratylystaný-tehnıkalyq baǵyttarǵa arnalady. Bul kórsetkish 2022 jylǵy 59,2%-dan 2025 jyly 69,6%-ǵa deıin ósken.
Eńbekpen óteý múmkindigi: Baǵdarlama túlekterine BUU, BUUDB, EQYU, ShYU sekildi halyqaralyq jáne aımaqtyq uıymdarda jumys isteý arqyly stıpendııany óteýge ruqsat berildi.
Jasandy ıntellekt jáne atom energetıkasy mamandary «Bolashaqpen» bilim aladyTildik shekteý: Orys tili memlekettik nemese resmı til bolyp sanalmaıtyn elderde osy tilde bilim alý nemese taǵylymdamadan ótý múmkindigi alynyp tastaldy.
Qaıta qatysý: Úmitkerlerge konkýrstyq irikteýge qaıta qatysý múmkindigi berildi.
«Bolashaq» arqyly atom energetıkasy salasynyń mamandaryn daıarlaý keńeıediAıta keterligi, baǵdarlamaǵa degen qyzyǵýshylyq artyp keledi. 2024 jyly 1 893 ótinim qabyldansa, 2025 jyly bul kórsetkish 2 600-ge jetip, bir orynǵa talas 4,1 adamdy qurady. Sonymen qatar endi «Bolashaq» aıasynda jasandy ıntellekt jáne atom energetıkasy mamandary daıarlana bastaıdy.