Ulytaý aýdanynyń Jezdi kentinde 160 oryndyq zamanaýı dene shynyqtyrý-saýyqtyrý kesheniniń qurylysy aıaqtalyp, saltanatty túrde paıdalanýǵa berildi. Ashylý rásimine Ulytaý oblysynyń ákimi Dastan Ryspekov qatysyp, óńir turǵyndaryn sport nysanynyń iske qosylýymen quttyqtady.
Zamanaýı sport kesheni Memleket basshysynyń óńirlerdi damytý, azamattardyń ómir súrý sapasyn arttyrý, salamatty ult qalyptastyrýǵa baǵyttalǵan syndarly saıasatynyń naqty nátıjesi, memleket tarapynan barlyq óńirge kóńil bólinip otyrǵanynyń dáleli.
Qos qabatty sport kesheninde basketbol, voleıbol oıyndaryna arnalǵan ámbebap sport zaly, kórermender oryndary, ákimshilik kabınetter men arnaıy qosalqy bólmeler qarastyrylǵan. Jańa nysan turǵyndardyń sportpen turaqty túrde aınalysýyna, qabiletin shyńdaýyna, buqaralyq sportty damytýǵa múmkindik beredi.
Jyl sońyna deıin oblys ortalyǵy Jezqazǵan qalasynda esý sportyna arnalǵan sport kesheni, Jańaarqa aýdanynyń ortalyǵynda 210 oryndyq dene shynyqtyrý-saýyqtyrý kesheni, sondaı-aq Eralıev aýylynda angar úlgisindegi jyldam salynatyn sport kesheni el ıgiligine beriledi.
Ulytaý oblysy