2025 jyly elimizde 135 sport nysany paıdalanýǵa berildi. Onyń ishinde Túrkistandaǵy eskek esý arnasy jáne Qyzylordadaǵy «Qaısar Arena» stadıony bar. Al Astanadaǵy Ulttyq sport ýnıversıtetiniń qurylysy jalǵasyp jatyr. Osy jáne basqa da málimetterdi Týrızm jáne sport mınıstri Erbol Myrzabosynov jyldy qorytyndylaý barysynda málim etti, dep jazady Egemen.kz.
Parasportqa jaǵdaı jasalyp jatyr
Paralımpıadalyq jáne sýrdlımpıadalyq qozǵalys júıeli túrde damyp keledi. Alǵash ret zańmen «múgedektigi bar sportshyny súıemeldeıtin adam» uǵymy bekitilip, erekshe qajettiligi bar sportshylardyń qatysý múmkindigi keńeıdi.
Qazaqstan halyqaralyq sport uıymdarymen ózara is-qımyldy kúsheıtti 2025 jylǵy mańyzdy baǵyttardyń biri – halyqaralyq sport uıymdarymen ózara is-qımyldy kúsheıtý boldy. Qazaqstannyń 81 ókili halyqaralyq jáne kontınenttik sport federasııalarynda jumys isteıdi. Budan bólek, bıyl elimizge 22 halyqaralyq sport uıymnan basshylar keldi. Bul elimizdiń uıymdastyrýshylyq jáne ınfraqurylymdyq áleýetiniń halyqaralyq deńgeıde moıyndalǵanyn aıǵaqtaıdy. Turaqty túrdegi halyqaralyq yntymaqtastyqtyń nátıjesinde 2027 jyly Qazaqstanda ústel tennısi, dzıýdo, stend atý, boks jáne djıý-djıtsýdan 5 álem chempıonatyn ótkizý týraly kelisimder jasaldy. Bul elimizdiń halyqaralyq sport alańy retindegi senimdi ári básekege qabiletti mártebesin odan ári nyǵaıtýda mańyzdy kezeń bolmaq. Halyqaralyq arenada 50-den astam tarıhı jetistik
Mınıstrdiń aıtýynsha, bıyl short-trekten ulttyq qurama Azııa oıyndaryndaǵy alǵashqy altyn júldeni jeńip alsa, frıstaıl-akrobatıka men semserlesý sport túrlerinen tuńǵysh medal buıyrdy. Sonymen qatar dzıýdo, boks, kórkem gımnastıka, mánerlep syrǵanaý, sadaq atý jáne parabıatlon boıynsha joǵary nátıjeler tirkeldi. «Qaırat» fýtbol klýby óz tarıhynda alǵash ret ÝEFA Chempıondar lıgasynyń negizgi kezeńine shyqty. Tolyǵyraq oqý úshin myna siltemege ótińiz. 2025 jyly Qazaqstan iri halyqaralyq sporttyq jarystar ótetin alańǵa aınaldy
Bokstan jáne frıstaıldan Álem kýbogi kezeńderi, dzıýdodan Grand Slam týrnırleri, sondaı-aq birqatar olımpıadalyq sport túrleri boıynsha halyqaralyq jarystar ótkizildi.
Buǵan qosa, elimizde alǵash ret Azııa Paralımpııalyq komıtetiniń konferensııasy men Bas assambleıasy uıymdastyrylyp, Qazaqstannyń Azııadaǵy ınklıýzıvti sport ortalyqtarynyń biri retindegi mártebesin nyǵaıta tústi.
Osy jyly qazaq sporty kimderden aıyryldy?