ASTANA. 23 naýryz. Memleket basshysy Nursultan Nazarbaev Sıngapýr Respýblıkasynyń Premer-Mınıstri Lı Sıan Lýnge osy eldiń tuńǵysh Premer-Mınıstri Lı Kýan Iýdyń qaıtys bolýyna baılanysty kóńil aıtý jedelhatyn joldady. Bul týraly Aqorda saıtyna súıengen egemen.kz habarlady.
Jedelhatta Qazaqstan Prezıdenti Sıngapýr memleketiniń negizin qalaǵan jahandyq aýqymdaǵy kórnekti saıası qaıratker Lı Kýan Iýdyń qaıtys bolǵany týraly habardy kúızele qabyldaǵany aıtylǵan.
«Biz jıi kezdesip turdyq. Men ony jaqyn dos sanadym, odan kóp tájirıbe aldym. Orny tolmas qaıǵyny bólise otyryp, Qazaqstan halqynyń jáne jeke óz atymnan týǵan-týystary men jaqyndaryna, sondaı-aq barsha Sıngapýr halqyna kóńil aıtamyn», – delingen jedelhatta.
Nursultan Nazarbaev Sıngapýrdyń álemdik bedelin nyǵaıtyp, onyń Azııadaǵy jetekshi el retinde qalyptasýy úshin Lı Kýan Iýdyń orasan kúsh-jiger jumsaǵanyn jáne sol arqyly artyna óshpes mura qaldyrǵanyn atap ótken.
«Qazaqstan halqy Lı Kýan Iýdyń bizdiń elderimizdiń arasyndaǵy berik dostyq qatynastardy nyǵaıtýǵa qosqan zor úlesin eshqashan umytpaıdy», – delingen jedelhatta.
Murat Aıtqoja.
Mánbe: Aqorda saıty.