Memleket basshysynyń Jarlyǵymen Qazaqstan halqy Assambleıasyn damytýdyń 2030 jylǵa deıingi «Birligimiz – áralýandyqta» tujyrymdamasy bekitildi, dep jazady Egemen.kz Aqordanyń baspasóz qyzmetine silteme jasap.
Tujyrymdama Qazaqstan halqy Assambleıasyn odan ári damytýdy kózdeıdi. Qujatta qoǵamdyq kelisim men jalpyulttyq birlikti qamtamasyz etý maqsatynda eldi uıystyrýǵa baǵyttalǵan jańa qaǵıdattar men tásilder qarastyrylǵan.
Aıta keteıik, 26 jeltoqsan kúni Memleket basshysy «Qazaqstan Respýblıkasynyń keıbir zańnamalyq aktilerine tarıhı-mádenı mura obektilerin qorǵaý jáne bilim berý-saýyqtyrý qyzmetteri máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy.
Sondaı-aq Prezıdent sol kúni «Jer qoınaýy jáne jer qoınaýyn paıdalaný týraly» Qazaqstan Respýblıkasynyń Kodeksine kómirsýtekter men ýran salasynda jer qoınaýyn paıdalanýdy jetildirý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy.