Atyraý oblysynda jyl basynan beri medısınalyq avıasııa qyzmetin 243 pasıent paıdalanǵan. Oblystyq densaýlyq saqtaý basqarmasy baspasóz qyzmetiniń deregine qaraǵanda, 59 naýqas ushaqpen, 19 adam tikushaqpen, al 156 pasıent avtokólikpen mamandandyrylǵan medısınalyq mekemelerge jetkizilipti, dep habarlaıdy Egemen.kz.
«Avıamedısınalyq brıgadanyń quramyna óńirdegi oblystyq aýrýhanalardyń reanımatologteri, neonatolog pen travmatolog, neırohırýrg jáne nevrolog mamandar tartyldy. Joǵary sanatty dárigerler shalǵaı eldi mekenderden jetkizilgen pasıentterge 42 ret konsýltasııa berdi. Dárigerler 29 naýqasqa shuǵyl ota jasady» dep habarlady basqarmanyń baspasóz qyzmeti.
Medısınalyq avıasııanyń Qurmanǵazy aýdanyna kóp barǵany anyqtalyp otyr. Pasıentter ár túrli sebeppen kómekke júgingen. Negizgi sebepter – júrek-qan tamyrlary aýrýlary, jedel jaraqattar, jazataıym oqıǵalar men ýlaný jaǵdaıy.
«Osy sanattar boıynsha 69 azamatqa jedel medısınalyq kómek kórsetildi. Akýsherlik salada 13 júkti áıel, aýyr patologııamen ómirge kelgen 49 náreste der kezinde jetkizildi. Olarǵa sapaly medısınalyq kómek berildi», dep málimdedi basqarmanyń baspasóz qyzmetinen.