Búgin tańerteńnen aýa raıynyń nasharlap, joldardyń kóktaıǵaq bolýyna baılanysty 5 oblysta kóliktiń barlyq túri úshin qozǵalysqa tyıym salynyp otyr. «QazAvtoJol» kompanııasy jol jaıyna qatysty tolyq aqparatty 1403 baılanys ortalyǵynan bilýge bolatynyn habarlady, dep jazady Egemen.kz.
Aqmola oblysy:
«Astana – Kókshetaý – Petropavl – RF shekarasy» kúre jolynyń 232–304 shaqyrym aralyǵynda (Shýchınsk qalasynan Kókshetaý qalasyna deıin) jol jabyq.
О́ńirdegi taǵy bir respýblıkalyq mańyzy bar «Astana – Atbasar – Jaqsy – Rýzaevka – Sarykól – Qostanaı – RF shekarasy» 135–280 shaqyrym aralyǵynda (Astarahanka aýylynan Atbasar qalasyna deıin) barlyq kólik qozǵalysyna shekteý qoıyldy.
«Astana – Kókshetaý – Petropavl – RF shekarasy» avtojolynyń 304–341 shaqyrym aralyǵynda da jol jabyldy (Kókshetaý qalasy – SQO shekarasy).
Sondaı-aq «Kókshetaý – Rýzaevka» avtojolynyń 0–61 shaqyrym aralyǵynda (Kókshetaý qalasynan SQO shekarasyna deıin) kólik qozǵalysy shekteldi.
«Kókshetaý – Kishkenekól – Bıdaıyq» avtojolynyń 2–50 shaqyrym aralyǵynda (Kókshetaý qalasy – SQO shekarasy) kólik qozǵalysyna shekteý qoıyldy.
Soltústik Qazaqstan oblysy:
«Astana – Kókshetaý – Petropavl – RF shekarasy» avtojolynyń 341-367 shaqyrym aralyǵy (Aqmola oblysy shekarasy – Kellerovka aýyly) da jabyldy.
«Kókshetaý – Rýzaevka» avtojolynyń 61–91 shaqyrym aralyǵy (Aqmola oblysynyń shekarasynan – Saýmalkól aýylyna deıin) men «Kókshetaý – Kishkenekól – Bıdaıyq» avtojolynyń 50–85 shaqyrym arylyǵynda (Aqmola oblysynyń shekarasy – Chkalov aýyly) kólik qozǵalysy shekteldi. Atalǵan kúrejoldardy 30 jeltoqsan saǵat 12:00-de ashý josparlanǵan.
Qaraǵandy oblysy:
«Qyzylorda – Jezqazǵan – Qaraǵandy – Shiderti» avtojolynyń 970–1135 shaqyrym aralyǵy (Qaraǵandy qalasynan Pavlodar oblysynyń shekarasyna deıin) men «Astana – Qaraǵandy – Almaty» avtojolynyń 248–359 shaqyrym aralyǵynda (Atameken kentinen Aqsý-Aıýly kentine deıin) jol jabyldy.
О́ńirdegi «Astana – Qaraǵandy – Almaty» avtojolynyń 164–197 shaqyrym aralyǵynda da (Temirtaý aqy alý pýnktinen Qaraǵandy qalasyna deıin) kóliktiń barlyq túri úshin qozǵalys shekteldi. «QazAvtoJol» kompanııasynyń habarlaýynsha, joldy saǵat 12:00-de ashý josparlanǵan.
Pavlodar oblysy:
«Qyzylorda – Jezqazǵan – Qaraǵandy – Shiderti» avtojolynyń 1135–1206 shaqyrym aralyǵynda kólik qozǵalysy shekteldi. (Qaraǵandy oblysynyń shekarasynan Shiderti aýylyna deıin). Atalǵan jol bóligin 15:00-de ashý josparlanǵan.
Qostanaı oblysy:
Tańǵy saǵat 9: 00-den bastap «Qostanaı – Áýlıekól – Surǵan» avtojolynyń 8–108 shaqyrymy aralyǵynda (Tobyl qalasynan Áýlıekól aýylyna deıin) kóliktiń barlyq túriniń qozǵalysyna shekteý qoıyldy. Joldy 30 jeltoqsan saǵat 15:00-de joldy ashý josparlanǵan.