Pavlodarda ǵajaıypqa toly Prezıdent shyrshasy ótti. Kóńildi ári jarqyn merekede 200 balaǵa tátti syılyq úlestirilip, árqaısysyna 150 myń teńgeden tartý jasaldy.
Jańa jyldyq shoý-merekege shaqyrylǵan jasóspirimder arasynda jetim, erekshe bilim berý qajettilikteri bar balalar, kópbalaly otbasylardan shyqqan, sondaı-aq oqý, sport jáne shyǵarmashylyq salalarynda úzdik jetistikterge jetken oqýshylar boldy. Olardyń árqaısysy úshin bul kún jylylyqqa, qamqorlyqqa jáne ǵajaıypqa degen senimge toly naǵyz ertegige aınaldy.
О́ńir basshysy Asaıyn Baıhanov balalardy Memleket basshysy atynan quttyqtady. Prezıdentimizdiń óskeleń jas urpaqqa úlken úmit artyp otyrǵanyn atap ótip, balalardy «aqtalǵan senimniń shamshyraǵy» bolýǵa shaqyrdy.
Balalar úshin Aıaz ata, Aqshaqar, Tulpar, Jylan, Barhan, Qyzǵaldaq, Dombyra jáne Qazaq eli beınesi syndy ertegilik ári etnostyq keıipkerlerdiń qatysýymen mazmundy merekelik baǵdarlama uıymdastyryldy. Uly Dala kartasy ortalyq sımvolǵa aınalǵan, Otanǵa degen súıispenshilikti, birlikti, dostyq pen beıbitshilikti beıneleıtin áserli teatrlandyrylǵan qoıylym usynyldy.
Árbir balaǵa Prezıdenttiń atynan quttyqtaý ashyqhaty, kitap, jumsaq oıynshyq, táttiler men 150 myń teńge aqshalaı sertıfıkat tapsyryldy.
Pavlodar oblysy