Bıylǵy alǵashqy 10 aıda elimizge 75,6 myń tonna mandarın, tanjerın jáne satsýma sorty ákelindi, dep jazady Egemen.kz.
Bul 2024 jyldyń sáıkes kezeńimen salystyrǵanda 21%-ǵa kóp. Osylaısha, keıingi 10 jyldaǵy eń joǵary ımport kólemi tirkeldi.
Ulttyq statıstıka bıýrosy – Strategııalyq josparlaý jáne reformalar agenttigine qarasty memlekettik organnyń deregine sáıkes, 2015-2016 jyldary barlyq sıtrýs pen olardyń gıbrıdteriniń ımport kólemi qazirgi kórsetkishten aıtarlyqtaı tómen bolǵan.
Import kólemi artqanyna qaramastan, onyń aqshalaı kólemi qysqardy. 2025 jyly mandarın jetkizýge 37 mln dollar jumsaldy, al bir jyl buryn bul kórsetkish 38 mln dollar bolǵan. Ortasha alǵanda 1 tonna ónimniń quny 20%-ǵa arzandady.
Alaıda bul tómendeý bólshek saýdadaǵy baǵalarǵa qalaı áser etetini ázirge belgisiz. Resmı statıstıka tutynýshylar úshin naqty baǵa dınamıkasyn baǵalaýǵa múmkindik bermeıdi.