Aýa raıynyń kúrt buzylýyna baılanysty Aqtóbe jáne Atyraý oblystaryndaǵy respýblıkalyq mańyzy bar birneshe avtojolda qozǵalysqa ýaqytsha shekteý engizildi. «QazAvtoJol» ulttyq kompanııasynyń málimetinshe, bul shara júk kólikteri men qoǵamdyq kólikterge qatysty, dep habarlaıdy Egemen.kz.
2 qańtar kúni saǵat 16:30-dan bastap kelesi jol ýchaskeleri jabyldy:
Aqtóbe oblysy boıynsha:
Qandyaǵash – Atyraý oblysynyń shekarasy: «Aqtóbe – Dossor» tasjolynyń 104-337 shaqyrymy; «ECO Oil» beketi – Qarabutaq aýyly: «RF shekarasy – Mártók – Aqtóbe – Qarabutaq – Qyzylorda» jolynyń 776-965 shaqyrymy; Qandyaǵash – Shalqar: «Qandyaǵash – Embi – Shalqar – Yrǵyz» baǵytynyń 3-257 shaqyrymy; Mártók – Hromtaý aıryǵy: «RF shekarasy (Jaısań) – Aqtóbe – Qyzylorda» jolynyń 0-39 shaqyrymy.Atyraý oblysy boıynsha:
Aqtóbe oblysynyń shekarasy – Saǵyz aýyly: «Aqtóbe – Atyraý – RF shekarasy» jolynyń 337-346 shaqyrymy.Mamandardyń boljamynsha, atalǵan baǵyttardaǵy qozǵalys 3 qańtar kúni tańǵy saǵat 08:00-de qaıta jandanýy tıis. Alaıda bul ýaqyt aýa raıynyń qubylýyna qaraı ózgerýi múmkin.
Esterińizge sala keteıik, búgin elimizdiń birqatar tasjolynda qozǵalys shekteldi.