Álemniń 71-raketkasy Iýlııa Pýtınseva 2026 jylǵy sporttyq maýsymdy sátti bastady. Ol Avstralııanyń Brısben qalasynda ótip jatqan WTA 500 týrnıriniń irikteý kezeńinde jeńiske jetti, dep habarlaıdy Egemen.kz.
Sports.kz taratqan málimetke súıensek, Iýlııa irikteý kezeńiniń jartylaı fınalynda kort ıesi – avstralııalyq Prıssılla Honmen (WTA reıtınginde 119-oryn) kezdesti. Iýlııa qarsylasynan basym túsip, 6:4, 6:3 esebimen jeńiske jetti.
Endi irikteý kezeńiniń fınalynda tennısshi negizgi jarysqa joldama alý úshin talasady. Onyń qarsylasy Olıvııa Gadeskı (Avstralııa) men Anastasııa Zaharova (Reseı) jubynyń jeńimpazy bolmaq.
Aıta keteıik, Brısbendegi jarystyń negizgi kezeńi 4-11 qańtar aralyǵynda ótedi. Júlde qory 1 206 446 dollaryn quraıdy.