Qasym-Jomart Toqaev «Turkistan» gazetine bergen keń kólemdi suhbatynda tarıhı derekterdi burmalap, halyqty adastyratyn topty qatań synǵa aldy, dep jazady Egemen.kz.
Prezıdent sońǵy jyldary tarıhty talqylaý sánge aınalǵanyn aıtty. Túrli podkasttar, fılmder, maqalalar men kitaptar shyǵyp jatqanynan habardar ekenin jetkizdi.
«Áıtse de memleketke kesiri tıetinin jete túsinbeı, kópshiliktiń kóńilin tabý úshin oıdan shyǵarylǵan derekter men jalǵan aqparattar taratatyn, halqymyzdyń basynan ótken qıyndyqtarǵa ózge jurtty kinálaıtyn tarıhshysymaqtar paıda boldy. Jurt olardyń sandyraǵyna senip, ótken dáýirdiń jalǵan batyrlaryn ulyqtaı bastady. Munyń sońy jaqsylyqqa aparmaıdy. Bul – aqıqat joly emes, kerisinshe «jalǵan túsinik týǵyzatyn teris jol», dedi Prezıdent.
Sonymen qatar Memleket basshysy halyqty jaýlastyratyn emes, uıystyratyn qundylyq alǵa shyǵý kerektigin eskertti. Bul turǵyda hakim Abaıdyń «Tolyq adam» konsepsııasynyń máni zor ekenin atap ótti
«Uly oıshyldyń urpaqqa qaldyrǵan baǵa jetpes murasy sanalatyn «Qara sózderi» áli kúnge deıin ózekti bolyp otyr. Abaı halqymyzdyń eńbekqor, bilimpaz jáne adamgershiligi joǵary bolǵanyn qalady. Mán-maǵynasy joq sansyz pikirtalastan basqa urpaqqa ulaǵat bolarlyq sóz qaldyrmaǵan birqatar qoǵam qaıratkerleriniń murasynan Abaı ilimi áldeqaıda bıik turǵany anyq. Birde-bir dáýirde, ásirese, saıası alasapyrandar kezeńinde kópirme sózdiń esh paıdasy bolmaǵan», dedi Memleket basshysy.
Eske salaıyq, búgin Qazaqstan Prezıdenti Qasym-Jomart Toqaev «Turkistan» gazetine keń kólemdi suhbat berdi.