Jyl basynan beri Saýda jáne ıntegrasııa mınıstrligi jergilikti atqarýshy organdarmen birlesip baǵa monıtorıngin belsendi túrde júrgizip keledi. Monıtorıng kún saıyn, demalys kúnderine qaramastan júrgizilip jatyr. Bul baǵa ózgerisin ýaqtyly anyqtap, naryqty turaqtandyrý boıynsha tıisti sharalar qabyldaýǵa múmkindik beredi, dep jazady Egemen.kz.
Osylaısha, 1 qańtarda Saýda jáne ıntegrasııa mınıstri Arman Shaqqalıev elordadaǵy iri saýda jelilerin aralap, baǵalardy tekserdi.
1 qańtardan bastap elimizdiń barlyq óńirlerinde baǵa monıtorıngi belsendi túrde júrgizilýde. Saýda jáne tutynýshylardyń quqyqtaryn qorǵaý departamentteriniń basshylary ákimdiktermen birlesip 600-den astam saýda nysanyn tekserdi.
Ulytaý oblysynyń ákimi Dastan Ryspekovtiń basshylyǵymen ákimdik ókilderi men Saýda jáne tutynýshylardyń quqyǵyn qorǵaý departamenti «Samadı» gıpermarketine bardy. Monıtorıng barysynda áleýmettik mańyzy bar azyq-túlik taýarlarynyń, atap aıtqanda un, nan, sút, kúnbaǵys maıy, qant, kúrish jáne ózge de ónimderdiń baǵasy men qoljetimdiligi tekserildi. Sondaı-aq taýarlardyń sórelerde bolýy men qoımadaǵy qor kólemine erekshe nazar aýdaryldy.
Qyzylorda oblysynda 31 jeltoqsan men 2026 jyldyń 1 qańtar kúnderi azyq-túlik taýarlarynyń baǵasyna monıtorıng oblys ákiminiń orynbasary Ardaq Zebeshevtiń jetekshiligimen júrgizildi. Saýda jáne tutynýshylardyń quqyǵyn qorǵaý departamenti, aýyl sharýashylyǵy jáne jer qatynastary basqarmasy, kásipkerlik jáne ónerkásip basqarmasy, memlekettik kirister departamenti, sondaı-aq «Baıqońyr» ÁKK» AQ ókilderinen quralǵan jumys toby Qyzylorda qalasyndaǵy «Sybaǵa», «Smoll» jáne «Qyzylorda» saýda jelilerinde tekserý jumystaryn júrgizdi.
1 qańtarda Batys Qazaqstan oblysy ákiminiń orynbasary Qalııar Aıtmuhambetov oblystyq Saýda jáne tutynýshylardyń quqyqtaryn qorǵaý departamenti men Kásipkerlik jáne ındýstrııalyq-ınnovasııalyq damý basqarmasynyń basshylyǵymen birlesip Oral qalasyndaǵy iri saýda jelilerinde baǵa monıtorıngin ótkizdi.
6 qańtarda Soltústik Qazaqstan oblysynyń ákimi Ǵaýez Nurmuhambetov Petropavl qalasyndaǵy iri saýda núktelerinde birinshi kezektegi azyq-túlik taýarlarynyń baǵasyn jeke ózi tekserdi.
«О́ńirde baǵanyń ósýin tejeý maqsatynda turaqtandyrý qory jumys isteıdi. О́tken jyly onyń qarjylandyrý kólemi 2,9 mlrd teńgeni qurady, shamamen 13 myń tonna ónim satyp alyndy. Bul qala halqynyń úsh aılyq qajettiliginiń 50 paıyzyna teń. Qazirgi ýaqytta turaqtandyrý qorynyń qorlary shamamen 12 myń tonnany quraıdy», dedi Soltústik Qazaqstan oblysynyń ákimi Ǵaýez Nurmuhambetov.
Mańǵystaý oblysynda tórt iri saýda jelisinde, onnan astam úı mańyndaǵy dúkende, sondaı-aq tórt kóterme bazarda baǵa monıtorıngi júrgizildi.
Sonymen qatar Saýda komıteti ótken jyldyń qorytyndysyn shyǵardy. 2025 jyly áleýmettik mańyzy bar azyq-túlik taýarlaryna belgilengen shekti saýda ústemesin asyrý derekteri boıynsha QR ÁQBtK-niń 204-4-babyna sáıkes 2 796 ákimshilik qaýly shyǵaryldy. Onyń ishinde 55,7 mln teńgeden astam somaǵa 1 625 aıyppul salyndy.