27 jastaǵy ızraıldik jartylaı qorǵaýshy almatylyq Ofrı Arad «Qaırat» klýbyndaǵy mansabyn kelisimshart merziminiń bitýine baılanysty aıaqtady. Ol «Qaırat» sapyna 2023 jyly qosylyp, bastapqyda ortalyq qorǵaýshy retinde komanda namysyn qorǵady, dep jazady Egemen.kz.
Kelesi maýsymda ol jartylaı qorǵaýshy pozısııasyna sátti aýysyp, qysqa ýaqyt ishinde komandanyń mańyzdy oıynshylarynyń birine aınaldy.
Arad «Qaırattyń» 2024 jáne 2025 jyldary Qazaqstan chempıony atanýyna, 2025 jyly Qazaqstan Sýperkýbogin jeńip alýyna, sondaı-aq Chempıondar lıgasynyń jalpy kezeńine shyǵýǵa kómektesti. Almatylyqtar sapyndaǵy sońǵy matchynda «Djýzeppe Meassa» stadıonynda «Interdiń» qaqpasyna gol soqty (1:2).Ofrı Arad komandada bolǵan úsh maýsym ishinde 92 match ótkizip, 3 gol soǵyp, 10 nátıjeli pas berdi.
Dastan Sátpaev úzdikterdiń kóshin bastap tur
Aıta keteıik, «Qaırat» Chempıondar lıgasy aldynda eýropalyq klýbtarmen eki joldastyq kezdesý ótkizedi.
Qazir qurama Birikken Arab Ámirlikterinde oqý-jattyǵý jıynyn ótkizip jatyr.