Pavlodarlyq 7-synyp oqýshysy Imran Kýsanov bastaýysh synyptan-aq kompıýterlik baǵdarlamalaýǵa, matematıkalyq esepterge júıriktigimen kózge túsip keledi. Bıyl ol respýblıkalyq Aýyl olımpıadasynda 9-synyp oqýshylarymen bir deńgeıde synǵa túsken. Bul týraly Oqý-aǵartý mınıstrliginiń baspasóz qyzmeti habarlady, dep jazady Egemen.kz.
Imran Kýsanov ınformatıka páninen erekshe alǵyrlyq kórsetip, algorıtmdik esepterdi ońaı sheshedi. Daryndy oqýshy alǵyrlyǵynyń arqasynda atalǵan bilim báıgesiniń ınformatıka baǵytynda birinshi oryndy jeńip aldy.
«Onyń zerektigi men esepterdi sheshýdegi alǵyrlyǵy, oılaý qabiletiniń júıriktigi qazylar alqasyn da tańǵaldyryp, ol olımpıadanyń eń jas qatysýshysy atandy», delingen mınıstrlik taratqan habarlamada.
Imranǵa 18 jyldyq tájirıbesi bar ınformatıka pániniń muǵalimi Soıan Ertaı baǵyt-baǵdar kórsetip júr.
Aqtaýlyq jas matematıkter halyqaralyq olımpıadaǵa joldama aldy
«Men ustazymmen kúndelikti daıyndalamyn. Olımpıadada algorıtmdik esepter, derektermen jumys jáne baǵdarlamalyq sheshimder ázirleý syndy kúrdeli tapsyrmalar beriledi. Ár kezeń men úshin qyzyqty boldy, tapsyrmalar kúrdelengen saıyn ózimdi damytýǵa umtyldym», dedi jas daryn Imran Kýsanov.
Berik Ýálı halyqaralyq olımpıada júldegerlerine stıpendııa taǵaıyndady
Aıta keteıik, Imran osy olımpıadaǵa 5-synyptan beri úzbeı qatysyp, joǵary synyptardyń esepterin sheship júr. Buǵan deıin de ol 2, 3-oryndardy ıelenip, birneshe ret jeńis tuǵyrynan kóringen.