Jeltoqsan aıynda el azamattary zeınetaqy jınaǵyn buryn-sońdy bolmaǵan qarqynmen paıdalandy. Bir aıdyń ishinde turǵyn úıge baǵyttalǵan qarjy kólemi júzdegen mıllıard teńgege jetip, naryqta aıqyn qozǵalys týǵyzdy, dep jazady Egemen.kz.
Saraptamalyq derekterge qaraǵanda, bir aıdyń ishinde 339 myńnan astam ótinish qanaǵattandyrylyp, azamattar baspana máselesine 221 mlrd teńgeden astam qarajat jumsaǵan. Bul qarasha aıyndaǵy kórsetkishten birneshe ese joǵary.
Eń kóp qarajat turǵyn úı qurylys jınaq júıesindegi salymdy tolyqtyrýǵa baǵyttaldy. Jeltoqsanda osy maqsatta 182 myń adam zeınetaqy jınaǵyn paıdalanǵan. Bul aldyńǵy aımen salystyrǵanda tórt esege jýyq ósim. Atalǵan baǵyttaǵy qarjy kólemi de 118 mlrd teńgeden asyp, jalpy kórsetkishtiń negizgi bóligin qurady.
Zeınetaqy qorynan tis emdeýge 200 mlrd teńge zańsyz shyǵarylǵan
Mamandar mundaı belsendilikti jyldyń sońyna tán birneshe faktorlarmen baılanystyrady. Sonyń biri – turǵyn úı qurylys jınaq júıesinde memleket beretin syılyqaqynyń jyl aıaǵyna deıin salynǵan qarajatty qamtıtyny. Osy múmkindikti paıdalaný úshin kóptegen azamat dál jeltoqsanda sheshim qabyldaǵan.
Sonymen qatar ıpotekalyq qaryzdy ishinara óteý sekildi basqa da maqsattar boıynsha ótinishter sany artqan. Bul zeınetaqy jınaǵyn tek jańa baspana alý emes, burynǵy mindettemelerdi jeńildetý quraly retinde de qoldaný úrdisiniń kúsheıgenin ańǵartady.
Elimizde zeınetaqy men járdemaqy mólsheri kóbeıdi
Jeltoqsan aıyndaǵy qarbalasqa taǵy bir jaıt áser etti. 2026 jylǵa arnalǵan eń tómengi jetkiliktilik shekteriniń ósetini aldyn ala jarııalandy. Orta eseppen 10 paıyzǵa ulǵaıǵan jańa talaptar kelesi jyldan bastap kúshine enedi. Osyǵan baılanysty kóptegen salymshy burynǵy sharttarmen úlgerip qalýǵa tyrysqan.
Sarapshylardyń pikirinshe, jyl sońyndaǵy bul serpin zeınetaqy júıesine ǵana emes, turǵyn úı naryǵyna da aıtarlyqtaı yqpal etti. Al aldaǵy kezeńde azamattardyń mundaı múmkindikti qalaı paıdalanatyny jańa talaptar aıasynda aıqyndala túspek.
Zeınetaqy tólemderi salyqtan bosatylyp, kópbalaly otbasylarǵa shegerimder engizildi