Polısııa Jangeldın aýylynda qaza tapqan erli-zaıyptylardyń kúıeý balasy Sultan Sársemalıevke izdeý jarııalanǵanyn habarlady, dep jazady Egemen.kz.
Ákimdik 29 jastaǵy kúdiktiniń otbasy qarapaıym turmys keshetinin, eshqandaı esepte turmaǵanyn aıtyp otyr. Sultan Sársemalıevtiń ata-anasy – zeınetker. Osyǵan deıin kórshilerden shaǵym túspegen, janjal tirkelmegen. Úıde 5 kámeletke tolmaǵan bala turady.
– Eki bala mektepte oqıdy, sabaqtan qalmaı júr. Taǵy ekeýi balabaqshaǵa barady. Biri – jańa týǵan sábı. Turmys jaǵdaıy qanaǵattanarlyq dep baǵalandy, – dep habarlady ákimdik.
Sársemalıevtiń anasy ulynyń qazir qaıda ekenin bilmeıtinin aıtqan. Buǵan deıin uly árdaıym baılanysta bolǵan, alańdatatyn belgi baıqalmaǵan.
Sultan Sársemalıevke izdeý jarııalandy. О́ıtkeni, qazirgi ýaqytta qylmystyq is boıynsha basty kúdikti bolyp tur.
– Tergeý oqıǵanyń barlyq mán-jaıyn anyqtap, ózge tulǵalardyń yqtımal qatystylyǵyn tekserip jatyr, – dep habarlady polısııa.
Atyraýdaǵy joǵalǵan otbasynyń qyzy men balasyn súńgýirler izdep, taba almady.
Atyraý oblysynda joǵalyp ketken otbasy: tyń derekter jarııalandy