Aqorda rezıdensııasynda AQSh elshisi Djýlı Stafft pen Bolgarııa elshisi Georgı Vodenskıdiń Qazaqstan Prezıdentine senim gramotalaryn tapsyrý rásimi ótti, dep jazady Egemen.kz.
Memleket basshysy Bolgarııa elshisi arqyly Prezıdent Rýmen Radevke sálemin joldap, onyń byltyr elimizge jasaǵan resmı sapary ekijaqty qarym-qatynasqa aıtarlyqtaı tyń serpin bergenin aıtty.
«Sizdiń elińizben yntymaqtastyqty odan ári nyǵaıtýǵa múddelimiz. Saıası, sondaı-aq ekonomıkalyq baǵyttaǵy yqpaldastyq aıasyn keńeıtý úshin qoldan kelgen múmkindiktiń bárin jasaımyz», dedi el Prezıdenti.Qasym-Jomart Toqaev Djýlı Stafftpen áńgimelesý barysynda AQSh-qa jasaǵan sapary tabysty ótkenin yqylaspen eske aldy.
«Prezıdent Donald Tramp myrzamen dostyq ráýishte mazmundy áńgime órbitip, kelissózder júrgizdik. Taıaýda biz telefon arqyly emen-jarqyn sóılesip, ekijaqty yntymaqtastyǵymyzǵa qatysty kóptegen máseleni talqyladyq. Meni jyl sońynda Qurama Shtattarda ótetin G20 sammıtine qatysýǵa shaqyrǵany úshin alǵys aıtamyn. Biz kóptegen saladaǵy strategııalyq seriktestigimizdi damytyp, nyǵaıtýǵa kúsh salamyz», dedi Memleket basshysy.Qasym-Jomart Toqaev elshilerdi dıplomatııalyq mıssııalarynyń resmı túrde bastalýymen quttyqtap, olardyń memleketteri basshylaryna izgi tilegin joldady.