2025 jyldyń 25 jeltoqsanynda Qostanaı qalasynda psıhonevrologııalyq patologııalary jáne tirek-qımyl apparaty buzylǵan múgedektigi bar balalarǵa arnalǵan jańa ońaltý ortalyǵynyń ashylý saltanaty ótti. Bul joba – óńirde erekshe qajettilikteri bar balalardy qoldaý jáne ońaltý júıesin damytýdaǵy mańyzdy qadam, dep jazady Egemen.kz.
Qostanaı oblysynda múgedektigi bar adamdardy áleýmettik qoldaýǵa baǵyttalǵan sharalardy qarjylandyrý kólemi jyl saıyn artyp keledi. 2025 jyly bul maqsattarǵa 15 mlrd teńgeden astam qarajat bólindi, bul 2022 jylǵy deńgeımen (7,6 mlrd teńge) salystyrǵanda eki esege kóp.
Qarjynyń edáýir bóligi ońaltýdyń tehnıkalyq quraldary men qyzmetterin qamtamasyz etýge baǵyttalyp jatyr. Atap aıtqanda, tıflo jáne sýrdoquraldarmen, kreslo-arbalarmen, protezdik-ortopedııalyq buıymdarmen qamtamasyz etýge, sanatorııalyq-kýrorttyq emdeýge, jeke kómekshi men ymdaý tili mamanynyń qyzmetterine jumsalatyn shyǵyndar 2022 jylǵy 3 mlrd teńgeden 2025 jyly 7 mlrd teńgege deıin ósti.
Sonymen qatar, jergilikti bıýdjetten I toptaǵy múgedektigi bar adamdar men balalardy sanatorıı-kýrorttyq emdeý kezinde alyp júrýge qosymsha qarajat bólinedi. Invataksı qyzmetin kórsetý aýmaǵy da keńeıtilip, azamattardyń qozǵalysyn jeńildetip, áleýmettik qyzmetterge qoljetimdilik arta túsedi.
Sońǵy eki jylda oblysta ıppoterapııa jáne múgedekterge arnalǵan arbalardy jóndeý qyzmetteri de engizildi. Bul sharalar ártúrli patologııalary bar balalardyń densaýlyq jaǵdaıyn jaqsartýǵa, sondaı-aq múgedektigi bar eresekterdiń áleýmettik beıimdelýine oń áserin tıgizip jatyr.
Múgedektik tobyn belgileý onlaın qaralady
Jańa ońaltý ortalyǵynyń ashylýy Memleket basshysynyń áleýmettik ınfraqurylymdy damytý jáne azamattardyń ómir súrý sapasyn arttyrý jónindegi tapsyrmalaryn iske asyrýdyń kezekti kezeńi boldy. Ortalyqty zamanaýı joǵary tehnologııalyq ońaltý jabdyqtarymen jaraqtandyrýǵa «Qazaqstan halqyna» qoǵamdyq qory 1 mlrd teńge bóldi. Buǵan deıin mundaı jabdyqtar negizinen respýblıkalyq medısınalyq uıymdarynda ǵana tabylyp, óńir balalary úshin qoljetimdiligi shekteýli edi.
«96,9 myńnan astam ótinim qaraldy: Múgedektikti syrttaı anyqtaýdyń artyqshylyǵy nede?
Ortalyqta balalardyń densaýlyǵyn nyǵaıtýǵa jáne áleýmettik ońaltýǵa baǵyttalǵan arnaıy áleýmettik qyzmetterdiń tolyq kesheni kórsetiledi. Emdik jáne beıimdelgen dene shynyqtyrý, mehano jáne ergoterapııa sabaqtary ótkiziledi, sensorlyq jáne ınteraktıvti zaldar, tuzdy jáne shýngıtti bólmeler jumys isteıdi. Sonymen qatar tirek-qımyl apparaty, júrek-qan tamyrlary, júıke júıesi aýrýlaryn, sondaı-aq teri aýrýlaryn emdeýge arnalǵan arnaıy vannalardy qoldaný arqyly sý prosedýralary júrgiziledi.
Endi múgedektikti anyqtaý úshin JI qoldanylýy múmkin
Eger buǵan deıin oblys ortalyǵyndaǵy jalǵyz ońaltý ortalyǵynda (20 tósek-oryn) jylyna 400-den aspaıtyn bala ǵana ońaltýdan óte alsa, jańa ortalyqtyń ashylýymen jyl saıyn 1,5 jastan 18 jasqa deıingi keminde 900 balany qamtý josparlanyp otyr. Ońaltý kýrsynyń uzaqtyǵy 14 kúnnen 21 kúnge deıin ulǵaıtyldy.