Qarjylyq monıtorıng agenttiginiń Pavlodar oblysy boıynsha departamenti «HAS» qarjy pıramıdasynyń qyzmetinen zardap shekken azamattardyń ótinishteri negizinde jańa epızodtar boıynsha sotqa deıingi tergep-tekserýdi bastady, dep jazady Egemen.kz.
Buǵan deıin sot qarjylyq pıramıdany uıymdastyrýshylardy 6 jyldan 12 jylǵa deıingi merzimge bas bostandyǵynan aıyrý jazasyna kesken bolatyn.
Jábirlenýshilerge keltirilgen zalaldy óteý maqsatynda salymshylardyń qarajatyna satyp alynǵan jalpy quny 1,2 mlrd teńgeden asatyn múlik sottyń sheshimimen óndirip alýǵa joldandy.
О́ndirip alynǵan aktıvterdiń qatarynda 4 páter, 18 avtokólik, 3 jer ýchaskesi, avtoturaq oryndary, turǵyn úı sanatyna jatpaıtyn úı-jaı jáne bank shottaryndaǵy aqshalaı qarajat bar.
Atyraý oblysynda 9 aıda 8 qarjylyq pıramıda deregi anyqtaldy
Sot oryndaýshylary jábirlenýshilerge 300 mln teńge kóleminde tólemderdi óndirip berdi.
Agenttik habarlaýynsha, qazir 125-ten astam jábirlenýshiden jalpy somasy 821 mln teńgeden asatyn zalal somasyna aryz túsken. Sonymen qatar, salymshylardyń qarajaty esebinen uıymdastyrýshy elorda aýmaǵynda ornalasqan, quny 525 mln teńge bolatyn jer ýchaskelerimen birge «A.D.A.M. group» JShS-in satyp alǵany anyqtaldy. Atalǵan múlik ony jasyrý maqsatynda uıymdastyrýshynyń tanysynyń atyna rásimdelgen.
Ulytaý oblysynda qarjylyq pıramıdany uıymdastyrýshy sottaldy
Sottyń sanksııasymen kórsetilgen múlikke tyıym salyndy.
Osy jyldyń 6 qańtarynda kúdiktilerdiń áreketteri qaıta saralanyp, olarǵa uıymdasqan qylmystyq top qurý jáne oǵan basshylyq etý, qarjylyq pıramıdany uıymdastyrý jáne jarnamalaý, sondaı-aq qylmystyq jolmen alynǵan aqsha men múlikti zańdastyrý baptary boıynsha aıyp taǵyldy.
Tergeý jalǵasyp jatyr.
Qarjylyq monıtorıng agenttigi «HAS» qarjy pıramıdasynyń qyzmetinen zardap shekken azamattardy aýmaqtyq bólimshelerge aryzben júginýge shaqyryp otyr.