О́skemen – Samar tasjolynyń 63-shi shaqyrymynda qyzmet atqaryp júrgen patrýldik polısııa jasaǵy jol jıeginde toqtap turǵan avtokólikti baıqaǵan. Mán-jaıdy anyqtaý barysynda kólik ishinde 60 jastaǵy áıeldiń densaýlyǵy syr bergeni málim bolǵan, dep jazady Egemen.kz.
Polısııa málimetinshe, áıeldiń kenetten tynysy tarylyp, jaǵdaıy kúrt nasharlaǵan. Jolaýshynyń densaýlyǵyna tóngen qaýipti sezgen polıseıler áıeldi Asýbulaq aýylyna deıin aparyp, jedel járdem brıgadasyna tapsyrǵan.
Osylaısha, tártip saqshylary Aslan Tleýbaev pen Dastan Dáýrenulynyń jedel áreketiniń arqasynda 60 jastaǵy áıel der kezinde medısınalyq kómek alyp, aman qalǵan.
Polıseıler órt shyqqan úıden úsh balany qutqardy
Buǵan deıin TJM mamandary jol jıegindegi orǵa qulap ketken júrgizýshini qutqaryp qalǵanyn habarlaǵanbyz.
Sondaı-aq Almaty polıseıleri sýısıd jasamaq bolǵan er adamdy aman alyp qalǵan edi.