8-10 qańtar aralyǵynda jalǵan memlekettik nómir paıdalaný faktilerin anyqtaý maqsatynda jedel-profılaktıkalyq is-shara ótti. Profılaktıkalyq is-sharany Kólik prokýratýrasy, polısııa, kólik baqylaý ınspeksııasy jáne «QazAvtoJol» AQ birlese uıymdastyrdy, dep jazady Egemen.kz.
Is-shara barysynda eldiń respýblıkalyq mańyzy bar avtomobıl joldarynda jalǵan, qoldan jasalǵan nemese oqylmaıtyn memlekettik tirkeý nómirleri bar kólikti tizgendeý boıynsha 900-den astam fakti anyqtaldy.
Bas prokýratýranyń málimetinshe, júrgizýshiler jalǵan nómirlerdi, kóbinese aqyly avtomobıl joldarymen ótkende tólem jasaýdan jaltarý, belgilengen jyldamdyq shekteýlerin asyrý, sondaı-aq salmaq-gabarıttik baqylaýdan ótý kezinde júk kólikteriniń naqty salmaǵyn jasyrý maqsatynda paıdalanady.
Eldegi aqyly joldarmen qansha kólik júrdi
Anyqtalǵan faktilerge qatysty ákimshilik yqpal etý sharalary qabyldanyp, onyń ishinde aıyppul salý, sondaı-aq sot sheshimderine sáıkes ózge de jaýapqa tartý sharalary qoldanylǵan.
Byltyr osy sıpattaǵy zań buzýshylyqtardyń 40 myńnan astam faktisi anyqtalǵan.
Endi ádemi nómirdi kezekke turmaı, onlaın alýǵa bolady
Buǵan deıin polısııa memlekettik nómirin jasyrǵan kólik júrgizýshilerimen kúresti bastaǵanyn habarlaǵanbyz.
Al Densaýlyq saqtaý mınıstrligi men Ishki ister mınıstrligi kólik júrgizýge medısınalyq qarsy kórsetilimi bar azamattardy anyqtap, 1787 júrgizýshiniń kýáliginiń kúshin joıdy.