ELBASYNA EL HALQYNYŃ QURMETI

Memleket basshysynyń atyna kóptegen quttyqtaýlar kelip tústi. El Prezıdentine, partııa Tóraǵasyna basty jaqtastary – nur-otandyqtar da óz syılyqtaryn tartý etti. Memleket basshysy Nursultan Nazarbaev “Nur Otan” partııa­sy­nan biregeı syılyq aldy. Partııa Tóraǵasynyń birinshi orynbasary Nurlan Nyǵmatýlın el Prezı­denti, partııa Kóshbasshysyna úlken albom syıǵa tartty. Al­bomda “Nur Otan” partııasy uıym­das­tyr­ǵan “Otandastar” bú­kil­halyqtyq aksııasy sheńberinde el Prezıdenti atyna kelip túsken Qazaqstan aza­mattarynyń qut­tyq­taýlary men ótinish-tilekteri jı­naqtalǵan. Jyl saıyn Memleket basshysyna aza­mat­tardan myńda­ǵan joldaýlar keledi. Alaıda, mun­daı hattar legin ol birinshi ret aldy. Elimizdiń ár túkpirindegi, ár túrli jastaǵy, ár túrli ult ókilderi jáne ár túrli kásiptegi 1,5 mıllıonnan astam qazaqstan­dyq óz quttyqtaýlaryn jiberdi. Quttyqtaýlarynda olar ózderiniń júrekjardy tilekterin, elimizdegi turaqtylyq, ár otbasyn­daǵy toqshylyq, usynylyp jat­qan múmkindikter úshin alǵystaryn bildirip, jańa tabystar tilegen. Kór­kem basylymda quttyqtaý­lar­dyń bir bóligi ǵana usynylǵan. “Nur Otan” partııasy uıym­das­­tyr­ǵan “Otandastar” aksııasy qa­­zaqstandyqtardyń óz Prezı­denti­ne degen búkilhalyqtyq shy­naıy mahabbaty men joǵary qur­me­tin kórsetti. Aksııa sheńberinde ataýly kúnge baılanysty 1,5 mıl­lıonnan astam hattar, quttyqtaý­lar jáne ótinish-tilekter jınal­ǵan. Bul – bizdiń elimizdiń barlyq aımaq­ta­ryn­daǵy qarapaıym aza­mat­tar nıe­tiniń ortaqtyǵynyń bel­gisi. Pre­zı­dentke jáne onyń júrgizip otyrǵan reformalar ba­ǵytyna óz qoldaý­la­ryn aıtyp, ult Kóshbasshysynyń komandasynda bolýǵa jáne onyń barlyq bas­ta­malaryna jolserik bolýǵa daıyn ekendigin rastady”, – dedi partııa Tóraǵasynyń birinshi orynbasary Nurlan Nyǵmatýlın.