Astanada aýa temperatýrasynyń tómendeýine baılanysty ekinshi aýysymdaǵy 0-9 synyp oqýshylary qashyqtan oqý formatyna kóshirildi. Bul týraly qala ákimdiginiń baspasóz qyzmeti habarlady, dep jazady Egemen.kz.
«2026 jylǵy 14 qańtar kúni aýa raıynyń qolaısyzdyǵyna baılanysty ekinshi aýysymnyń 0-9 synyp oqýshylary qashyqtan oqytý formatyna aýystyrylady», delingen habarlamada.
Búgin el aýmaǵynyń basym bóliginde jaýyn-shashynsyz, aıazdy aýa raıy kútiledi. Tek eldiń batysy men shyǵysynda qar aralas jaýyn-shashyn jaýyp, burqasyn bolýy múmkin. Respýblıka boıynsha jeldiń kúsheıýi, kóktaıǵaq jáne tuman kútiledi.
Aıta keteıik, búgin Astanada birinshi aýysymdaǵy 0-9 synyp oqýshylary aýa raıynyń qolaısyzdyǵyna baılanysty qashyqtan oqý formatyna kóshirilgen edi. Sondaı-aq Qostanaı oblysynda da birqatar mektep oqýshylary ýaqytsha qashyqtan oqý formatyna kóshirildi.