Astanadan shyǵatyn joldar jabyldy: Qatty aıazǵa baılanysty qozǵalysqa shekteý qoıyldy

Astana qalalyq Tótenshe jaǵdaılar departamentiniń málimetinshe, keshe keshki saǵat 20:00-den bastap elordadan barlyq baǵyttar boıynsha kólik qozǵalysyna shekteý engizildi. Bul shara aýa temperatýrasynyń -30°C-qa deıin tómendeýine baılanysty qabyldanyp otyr. Tyıym salý erejesi qoǵamdyq kólikter men dızeldi otynmen júretin avtokólikterge qatysty.

40 gradýs aıaz: Erteń eldiń basym bóliginde aýa raıyna baılanysty eskertý jarııalandy

Osyǵan oraı, «City Transportation Systems» (CTS) kólik kompanııasy qala mańyna qatynaıtyn birqatar marshrýttyń qozǵalysy ýaqytsha toqtatylǵanyn habarlady. Atap aıtqanda, № 305, 308, 309, 310, 312, 315, 316, 327, 328, 329-shy baǵyttaǵy avtobýstar jolǵa shyqpaıdy.   Eske salaıyq, keshe aýa raıyna baılanysty Astanada ekinshi aýysymdaǵy oqýshylar qashyqtan oqydy.