О́ńirde bıyl respýblıka kóleminde birqatar aýqymdy is-shara ótedi. Bul týraly Mańǵystaý oblysy boıynsha Qoǵamdyq kommýnıkasııa ortalyǵy málimdedi, dep habarlaıdy Egemen.kz.
Týrızm jáne sport mınıstrliginiń málimetinshe, 2026 jylǵa arnalǵan 20 óńir − 55 týrıstik is-sharalar kúntizbesi boıynsha, óńirde naýryz aıynda «Amal keldi – jyl keldi» etnomádenı festıvali, tamyz aıynda «Kaspıı – dostyq teńizi» halyqaralyq týrıstik festıvali jáne byltyr bastaý alǵan «Aq maya» aýqymdy shubat festıvali belgilengen.
«VIAJAR» beınelegen Mańǵystaý
Týrıstik kúntizbe ishki týrızmdi damytýǵa, baǵyttardy keńeıtýge jáne óńirlik brendterdi ilgeriletýge arnalǵan. Onda túrli baǵyttaǵy is-sharalar qamtylyp, týrısterge sapardy aldyn ala josparlaýǵa múmkindik beredi.
Atalǵan kúntizbe Memleket basshysynyń 2025 jylǵy 14 naýryzda Býrabaıda ótken Ulttyq quryltaı otyrysynda júktegen tapsyrmalaryn oryndaý sheńberinde ázirlengen.
Sondaı-aq týrıster úshin qolaıly bolý maqsatynda ázirlengen event.qaztourism.kz veb-platformasy arqyly is-sharalardy kúni, óńiri, sanaty jáne aýqymy boıynsha jyldam ári yńǵaıly tańdaýǵa bolady.
Mańǵystaý oblysy sheteldik týrısterdi eń kóp tartatyn óńirlerdiń úshtigine endi