Shyǵys Qazaqstan oblysynyń jedel medısınalyq járdem qyzmeti 36 jańa zamanaýı avtokólikpen tolyqty. Bul tehnıka jaqyn arada oblystyń qalalary men aýdandarynda kezekshilikke shyǵady, dep jazady Egemen.kz.
Avtoparkke S klasyndaǵy 4 reanımobıl jáne V klasty 32 avtokólik jetkizildi. Barlyq kólik zamanaýı medısınalyq jabdyqtarmen tolyq qamtylǵan jáne táýlik boıy jumys isteýge daıyn. Olar shuǵyl shaqyrtýlarǵa barýmen qatar, aýyr háldegi naýqastardy tasymaldaýǵa da múmkindik beredi.
Avtoparktiń jańarýy jedel járdem brıgadalarynyń shaqyrtýǵa jetý ýaqytyn qysqartyp, qyzmettiń mobıldiligin arttyrýǵa jáne aýyldar men shalǵaı eldi mekenderde medısına qyzmetkerleri úshin qolaıly eńbek jaǵdaıyn jasaýǵa jol ashady.
Aıta keteıik, oblystyq jedel medısınalyq járdem stansııasynyń avtoparki sońǵy ret osyndaı aýqymda 2020 jyly jańartylǵan bolatyn.
Aqtóbelikter jedel járdemniń qozǵalysyn Iаndeks Go qosymshasynan kóre alady
Jańa kólikterdiń kiltterin búgin oblys ákimi Nurymbet Saqtaǵanov aýdandyq jedel járdem bólimsheleriniń júrgizýshilerine saltanatty túrde tabystady. О́ıtkeni dál osy jandar kún saıyn medısınalyq brıgadalardyń jedel ári qaýipsiz qyzmetin qamtamasyz etip keledi.
Jańa jedel járdem kólikteri Altaı, Glýbokoe, Zaısan, Úlken Naryn, Katonqaraǵaı, Kúrshim, Marqakól, Samar, Tarbaǵataı, Shemonaıha aýdandary men Rıdder qalasyndaǵy bólimshelerge berildi.
«Jedel járdem qyzmetkerleri kún saıyn 600-ge deıin shaqyrtýǵa shyǵyp, dıspetcherler myńǵa jýyq qońyraý qabyldaıdy. Ár sannyń artynda - adam taǵdyry, kómekke degen úmit bar. Jańa avtokólikter medısına qyzmetkerlerine naýqastarǵa jedel jetýge, qaýipsiz ári qolaıly jaǵdaıda jumys isteýge jáne eń bastysy, adam ómirin qutqarýǵa múmkindik beredi» dedi Nurymbet Saqtaǵanov.
Astanada jedel járdem stansııasynyń qyzmetkerleri jyldar boıy qarjy jymqyrǵan