Almaty qalasynda Memleket basshysynyń tapsyrmasymen salynǵan strategııalyq mańyzdy nysan – Infeksııalyq aýrýlardyń ulttyq ǵylymı ortalyǵynyń (IAUǴO) ashylý rásimi ótti, dep habarlaıdy Egemen.kz.
Is-sharaǵa Premer-mınıstrdiń orynbasary – Mádenıet jáne aqparat mınıstri Aıda Balaeva, Densaýlyq saqtaý mınıstri Aqmaral Álnazarova, sondaı-aq Almaty qalasynyń ákimi Darhan Satybaldy qatysty.
Dári-dármekter men medısınalyq qyzmetterdiń tizbesi QQS-tan bosatyldy
Ortalyq COVID-19 pandemııasy kezindegi máselelerden sabaq ala otyryp, densaýlyq saqtaý júıesindegi daıyndyq deńgeıin arttyrý, ǵylymı áleýetti damytý, sıfrlyq sheshimderdi engizý jáne kadrlardy daıyndaý maqsatynda turǵyzyldy. 350 tósek-orynǵa eseptelgen jańa mekeme elimizdiń túkpir-túkpirinen týberkýlezben aýyratyn 2,5 myń naýqasty jyl saıyn emdeýge jáne dıagnostıkalyq kómek kórsetýge yqpal etedi.
«Bul ortalyq Prezıdent tapsyrmasymen ult densaýlyǵyn nyǵaıtý jáne bıologııalyq qaýipsizdikti qamtamasyz etý maqsatynda boı kóterdi. Búginde munda ǵylymı zertteýler, ozyq tehnologııa jáne bolashaq mamandardy tárbıeleý baǵyttary ózara sabaqtasyp, birtutas júıege aınalyp otyr. Infeksııalyq aýrýlardyń ulttyq ǵylymı ortalyǵy óskeleń urpaqtyń densaýlyǵyn saqtaýǵa, ulttyq qaýipsizdikti nyǵaıtýǵa jáne otandyq medısınalyq ǵylymdy damytýǵa zor úles qosady dep senemin», dedi Aıda Balaeva.
Premer-mınıstrdiń orynbasary Memleket basshysynyń tapsyrmasyna sáıkes elimizde densaýlyq saqtaý nysandarymen qatar áleýmettik ınfraqurylym da qarqyndy damyp jatqanyn atap ótti.
«Keıingi eki jylda elde 695 jańa medısınalyq nysan, 614 myń orynǵa arnalǵan 419 jańa mektep salyndy. Bul 19 apatty mektepti joıýǵa, 58 mekteptegi úsh aýysymdy oqytý máselesin sheshýge jáne 190 mekteptegi oqýshy oryndarynyń tapshylyǵyn azaıtýǵa múmkindik berdi. Sonymen qatar, 237 sport nysany paıdalanýǵa berildi, onyń ishinde 69-y qalalarda, 168-i aýyldyq jerlerde ornalasqan. 2025 jyly 61 mádenıet nysanynyń qurylysy aıaqtaldy. О́ńirlerde 251 nysanda jóndeý jumystary júrgizilip jatyr. Bul ózgerister, eń aldymen, halyqtyń ómir sapasyn arttyrýǵa, áleýmettik qorǵaýdy nyǵaıtýǵa baǵyttalǵan», dedi A.Balaeva.
Is-shara barysynda IAUǴO-nyń bólimshelerine ekskýrsııa uıymdastyrylyp, mekemeniń ınfraqurylymy men jabdyqtalýy tanystyryldy. Sonymen qatar mekeme ujymymen de kezdesý ótti.
Jańa zańnyń nátıjesinde medısınalyq kómektiń sapasy artady
Aıta keteıik, Infeksııalyq aýrýlardyń ulttyq ǵylymı ortalyǵy qysqa merzimde salynǵan. Munda klınıkalyq kómek kórsetý, ǵylymı jumys júrgizý, bilim berý, sıfrlyq tehnologııalardy paıdalaný sekildi múmkindikter bar. Ortalyq balalar men júkti áıelderge de medısınalyq kómek kórsetedi. Tótenshe jaǵdaılar kezinde jedel túrde 500 tósek-orynǵa deıin keńeıtilýi múmkin.
IAUǴO – dıagnostıka men emdeýden bastap, ınfeksııalyq jáne parazıttik aýrýlarǵa, onyń ishinde dárige tózimdi týberkýlez túrlerine qatysty kúrdeli zerthanalyq zertteýler júrgize alatyn tolyqqandy mekeme. Ortalyq ınfeksııalyq qaýip-qaterge ulttyq deńgeıde mán beretin, ǵylymı jańalyqtar men ınfeksııalyq aýrýlarmen jumys isteıtin mamandardy kásibı daıarlaıtyn bazaǵa aınalmaq.
Bıyl medısına qyzmetkerleriniń eńbekaqysy ósedi