Pavlodar qalalyq №1 aýrýhanasynyń málimetinshe, qys bastalǵaly 24 adam úsik shalýmen túsken. Dárigerler 16 adamnyń aıaq-qolynyń saýsaqtaryn kesýge májbúr bolǵan, dep habarlaıdy Egemen.kz.
Oblys ortalyǵynda úsikke urynǵandar sany arta túsken. О́tken jyldyń qazan aıynan beri qalalyq №1 aýrýhanaǵa úsikke shalynǵan 24 adam habarlasqan.
− Bıyl sýyq aýa raıy erterek, ótken jyldyń qazan aıynda tústi. Sondyqtan alǵashqy naýqastar qazan aıynyń sońynda, shamamen bir apta boıy aıaz bolǵan kezde kele bastady. Al jedel úsik shalǵan naýqastar sońǵy aıazdy kúnderi jetkizilip jatyr. 16 adamnyń úsikke qatty shalynǵany sonshalyq, aıaq-qolynyń saýsaqtaryn kesýge týra keldi, − deıdi aýrýhananyń kúıik bóliminiń meńgerýshisi Ashat Múrsálimov.
Sońǵy aptada oblystyq balalar aýrýhanasyna úsik shalǵan eki bala túsken. Bir bala tekserýden keıin ambýlatorııalyq emdeýge shyǵarylǵan.
SQO-da úsik shalǵan 5 adamnyń jaǵdaıy aýyr
Al 2024 jyly týǵan ekinshi jetkinshek Jelezın aýdanynan jetkizilgen. Eki qoly men saýsaqtaryn úsik shalǵan. Qyz bala jaraqat bólimine jatqyzylǵan, jaǵdaıy turaqty.
Aqtútek boran, sarshunaq aıaz: Demalys kúnderi elimizde aýa raıy qandaı bolady?