Aldaǵy táýlikte elimizdiń birqatar óńirinde aýa raıy kúrt nasharlaıdy. Sınoptıkter kóktaıǵaq, tuman, qar, boran, jeldiń kúsheıýi jáne keı jerlerde 40 gradýsqa deıin jetetin qatty aıaz bolatynyn habarlady. Bul jaǵdaı kólik qozǵalysyna, kommýnaldyq qyzmetterdiń jumysyna jáne turǵyndardyń kúndelikti tirshiligine áser etýi múmkin, dep habarlaıdy Egemen.kz.
Máselen, Túrkistan oblysynyń ońtústik jáne taýly aýdandarynda kóktaıǵaq bolady. О́ńirdiń batysy, soltústigi, ońtústigi men taýly aımaqtarynda tuman kútiledi. Shymkentte kúndiz kóktaıǵaq baıqalyp, tuman túsedi. Túrkistan qalasynda da kóriný qashyqtyǵy tómendeýi múmkin.
Qazaqstanda -56 gradýs aıaz tirkeldi
Soltústik Qazaqstan oblysynda túnde jáne kúndiz qar jaýady. Keı aýdandarda boran soǵyp, jolda júrý qıyndaıdy.
Atyraý oblysynyń soltústigi men ońtústiginde tuman men kóktaıǵaq kútiledi. Mundaı jaǵdaıda jol taıǵaq bolyp, apat qaýpi artady.
Mańǵystaý oblysynyń soltústik-shyǵysynda tuman túsedi. Jeldiń ekpini túnde 15-20 m/s-qa deıin jetedi. Aýa temperatýrasy túnde 22 gradýs aıazǵa deıin tómendeıdi.
Pavlodar oblysynyń soltústiginde qar jaýyp, boran soǵady. Bul jol jaǵdaıyn kúrt nasharlatýy múmkin.
Pavlodarda úsik shalǵandar kóbeıdi: 24 adam aýrýhanaǵa tústi
Aqmola oblysynda túnde jáne kúndiz qar men jaıaý boran kútiledi. Jel kúsheıip, keı jerlerde qar úıindileri paıda bolýy yqtımal.
Abaı oblysynyń ońtústiginde tuman túsedi. Soltústik jáne ortalyq bólikterinde jel kúsheıedi. Shyǵysynda túnde aýa temperatýrasy 40 gradýsqa deıin tómendeıdi.
Shyǵys Qazaqstan oblysynyń soltústigi men shyǵysynda tuman kútiledi. Túnde qatty aıaz bolady. О́skemende de tuman boljanyp otyr.
Qatty aıaz, qarly boran: 14 oblysta aýa raıyna baılanysty eskertý jarııalandy
Qostanaı oblysynda qar jaýyp, jaıaý boran soǵady. Qostanaı qalasynda da osyndaı aýa raıy tirkelýi múmkin, qozǵalysqa ýaqytsha shekteý qoıylýy yqtımal.
Jetisý oblysynyń taýly aýdandarynda tuman men kóktaıǵaq bolady. Alakól mańynda jel kúsheıip, túnde 25-27 gradýs aıaz kútiledi.
Jambyl oblysynda, sonyń ishinde Taraz qalasynda, tuman men kóktaıǵaq baıqalady.
Qyzylorda oblysynyń ońtústiginde tuman kútiledi.
Mamandar turǵyndarǵa jolǵa shyǵarda aýa raıy boljamyn eskerýdi, qajetsiz saparlardy keıinge qaldyrýdy jáne joldaǵy qaýipsizdik talaptaryn saqtaýdy usynady.